ក្រុមហង្សក្រហម Liverpool នឹងបានប្រាក់រង្វាន់១០០លានផោន ប្រសិនបើពួកគេឈ្នះពានរង្វាន់ UEFA Champions League នៅរដូវកាលនេះ។
ក្របខណ្ឌ UEFA Champions League ជាការប្រកួតបាល់ទាត់ធំជាងគេ ហើយរង្វាន់វិញក៏បានច្រើនជាងគេផងដែរ។ ជាក់ស្ដែងសម្រាប់រដូវកាលនេះ ក្រុម Liverpool ប្រសិនបើឈ្នះពាន នឹងទទូលបាន១០០លានផោន ប៉ុន្តែបើចាញ់វិញបានបានត្រឹម៩៤លានផោនប៉ុណ្ណោះ។ ដោយឡែកសម្រាប់ក្រុម Spurs វិញ ប្រសិនបើពួកគេឈ្នះនឹងទទួលបាន៩៣លានផោន ហើយបើចាញ់វិញបានត្រឹម៨៩លានផោនទេ។
ការសរុបប្រាក់រង្វាន់ដែលទទួលបាននេះ គឺគិតចាប់តាំងពីវគ្គសន្សំពិន្ទុក្នុងពូលមករហូតដល់វគ្គផ្ដាច់ព្រ័ត្រនេះ។ បើតាមទិន្នន័យនេះបានបញ្ជាក់ថាក្រុមឈ្នះជើងឯកនិងមិនឈ្នះជើងឯកនៅវគ្គផ្ដាច់ព្រ័ត្រនេះខុសគ្នាត្រឹមតែ៣,៥លានផោនប៉ុណ្ណោះ៕ប្រភព៖ Dailymail
