ក្លឹប Liverpool ចាប់អារម្មណ៍ក្នុងការនាំយកខ្សែការពារ Sergio Ramos មកលេងនៅអង់គ្លេស បើទោះជារូបគេធ្លាប់ធ្វើឱ្យហង្សក្រហមចុកចាប់កាលពីរដូវកាលមុនក៏ដោយ។
ម្សិលមិញនេះមានដំណឹងថា Ramos ចង់ចាកចេញពីក្រុម Real Madrid ហើយ ក្រោយពីចំណាយពេលច្រើនឆ្នាំជាមួយក្លឹបនេះនិងជួយក្រុមឈ្នះពានរង្វាន់ជាច្រើនមក។ ការចាកចេញនេះដែរ បានធ្វើឱ្យក្លឹបជាច្រើនបានបង្ហាញការចាប់អារម្មណ៍ ដោយក្នុងនោះសូម្បីតែ Liverpool ក៏មានឈ្មោះដែរ។ ហង្សក្រហមចង់បានកីឡាករអេស្ប៉ាញមក ដើម្បីលេងកណ្ដាលជាមួយ Van Dijk ។
យ៉ាងណាមិញ រឿង Ramos ធ្វើឱ្យខ្សែប្រយុទ្ធ Salah របួសនៅ Champions League វគ្គផ្ដាច់ព្រ័ត្រនោះ អាចជាកត្តាមួយធ្វើឱ្យអ្នកគាំទ្រមិនពេញចិត្តឡើយសម្រាប់កីឡាកររូបនេះ។ មួយវិញទៀត Ramos ក៏ធ្លាប់ឈ្លោះប្រកែកគ្នាលើបណ្ដាញសង្គមជាមួយ Dejan Lovren ខ្សែការពាររបស់ Liverpool ផងដែរ៕ប្រភព៖ Dailymail