Niko Kovac នឹងដឹកនាំក្រុម Bayern Munich លេងវគ្គផ្ដាច់ព្រ័ត្រ DFB Pokal ទល់ក្រុម RB Leipzig នៅយប់ម៉ោង១រំលងអាធ្រាត្រនេះ។បើទោះជាដឹកនាំក្រុមលើកពាននៅលីគកំពូលអាល្លឺម៉ង់ ហើយលេងវគ្គផ្ដាច់ព្រ័ត្រ Cup នៅយប់នេះទៀតមែន ប៉ុន្តែលោក Kovac នៅតែប្រឈមនឹងការបណ្ដេញចេញដដែល។
បុរសទើបចូលខ្លួនដឹកនាំក្រុមបាន១រដូវកាលនេះ រងសម្ពាធច្រើនពីកីឡាករផ្ទាល់ ហើយសឹងតែត្រូវបណ្ដេញចេញនៅពាក់កណ្ដាលរដូវកាលទៅហើយ។ តែដោយសារលទ្ធផលប្រកួតបានល្អគ្រាន់បើវិញ ទើបរូបគេអាចបន្ដនៅទៀតបាន។
ដូច្នេះហើយ បើទោះជាលោកដឹកនាំក្រុមឈ្នះពាន DFB Pokal នៅយប់នេះ ក៏ក្រុម Bayern Munich នឹងពិចារណាពីអនាគតគេដែរ។ ក្រុមយក្សអាល្លឺម៉ង់នេះ មានគោលដៅយកពាន UEFA Champions League ច្រើនជាងពានរង្វាន់ក្នុងស្រុក ដែលពួកគេលើករាល់ឆ្នាំទៅហើយនោះ៕ប្រភព៖ Dailymail
