លោក Jose Mourinho បានលើកឡើងថា ប្រសឹនបើ Jurgen Klopp ចាញ់ការប្រកួតវគ្គផ្តាច់ព្រ័ត្រក្នុងក្របខ័ណ្ឌ Champions League លើកទីបី Klopp ពិតជាពិបាកប្រឈមណាស់។
ក្រោយពីចាញ់ Bayern München នៅទឹកដី Wembley ខណៈពេលដែលគ្រូបង្វឹករូបនេះដឹកនាំនៅ Borussia Dortmund ក្នុងឆ្នាំ 2013 និងម្ដងទៀត Klopp បានរងបរាជ័យជាលើកទី 2 កាលពីរដូវកាលមុនក្នុងទីក្រុង Kiev ប៉ះនឹង Real Madrid ។
លោក Mourinho បានប្រាប់ទូរទស្សន៍ Sky Sports News ថាប្រសិនបើគ្រូបង្វឹក Jurgen Klopp ឈ្នះលើកនេះវាគឺជាសមិទ្ធផលមិនគួរឱ្យជឿសម្រាប់គាត់។
លោក Mourinho បាននិយាយបន្ថែមថា: “ក្រុម Spurs មិនបានឈ្នះពានរង្វាន់អ្វីនៅឡើងទេនៅរដូវកាលនេះ បើឈ្នះលើកនេះជាលើកដំបូងនឹងអស្ចារ្យបំផុតព្រោះការប្រកួត Champions League គឺជាពានរង្វាន់ដ៏ធំ។
ប្រភព៖ AllFootball