លោក Maurizio Sarri បានប្រាប់ទៅថ្នាក់ដឹកនាំក្រុម Chelsea ថាគួរតែដេញលោកចោលនៅពេលនេះទៅ ប្រសិនបើការសម្រេចចិត្តគឺពឹងផ្អែកលើលទ្ធផលនៃការប្រកួតផ្ដាច់ព្រ័ត្រ Europa League នោះ។
អនាគតរបស់អ្នកចាត់ការអ៊ីតាលីនេះ មិនច្បាស់ឡើយនៅ Chelsea ក្រោយពីមានដំណឹងថាក្រុមនេះចង់យក Lampard មកដឹកនាំក្រុមជំនួស ហើយលោក Sarri នេះទៅដឹកនាំក្រុម Juventus វិញ។ ខណៈដែលមានមតិមួយចំនួនបានលើកឡើងថា អនាគតរបស់អតីតអ្នកចាត់ការក្រុម Napoli នេះ គឺពឹងផ្អែកលើលទ្ធផល Europa League វគ្គផ្ដាច់ព្រ័ត្រទល់ក្រុម Arsenal នោះហើយ។
ឆ្លើយតបជាមួយការនិយាយដូច្នេះ លោក Sarri បានបញ្ជាក់ថា៖ “ប្រសិនបើស្ថានភាពដូចអ្វីដែលនិយាយនេះមែន សូមពួកគេបណ្ដេញខ្ញុំចោលនៅពេលនេះទៅ។ វាមិនមែនជារឿងត្រឹមត្រូវឡើយ ដែលកាត់សេចក្ដីការងារត្រឹមរយៈពេល១០ខែនោះ។ ខ្ញុំសល់កុងត្រា២ឆ្នាំនៅទីនេះ ហើយខ្ញុំក៏មិនមានទំនាក់ទំនងជាមួយក្លឹបដទៃឡើយ។ ខ្ញុំសប្បាយចិត្តក្នុងការប្រកួតប្រជែងនៅអង់គ្លេស”៕ប្រភព៖ Dailymail
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
