Christian Pulisic បានបង្ហាញវត្តមានជាផ្លូវការហើយ ឱ្យក្រុម Chelsea ដើម្បីត្រៀមលេងពានរង្វាន់មិត្តភាពបើករដូវកាលខាងមុខនេះ។
Pulisic បានចុះកុងត្រា៥ឆ្នាំកន្លះជាមួយក្រុម Chelsea កាលពីខែមករាកន្លងទៅ ប៉ុន្តែមិនបានលេងឱ្យតោខៀវឡើយតាំងពីខែមករានោះមក ព្រោះក្រុម Dortmund បានខ្ចីជើងគេទៅវិញ។ កីឡាករអាមេរិករូបនេះ ទើបតែបានមកបង្ហាញខ្លួនជាផ្លូវការនៅម្សិលមិញនេះទេ ក្នុងនាមជាកីឡាករចំណូលថ្មីរបស់ Chelsea ។
ក្នុងការបង្ហាញខ្លួននោះដែរ កីឡាករវ័យ២០ឆ្នាំរូបនេះបានបញ្ជាក់ដូច្នេះថា៖ “វាពិតជាអស្ចារ្យណាស់ក្នុងការមើលអ្វីដែល Hazard បានធ្វើ។ គាត់ជាមនុស្សម្នាក់ដែលយើងគួរយកជាមេរៀន និងជាអ្វីដែលខ្ញុំចង់ធ្វើតាម។ វាពិតជាគោលដៅមួយ ដែលកីឡាករគ្រប់រូបចង់ធ្វើបានល្អដូចគាត់”។ ខ្សែបម្រើដែលជួយក្រុម Dortmund បានលេខ២នៅ Bundesliga រូបនេះ ក៏សង្ឃឹមថាកីឡាករបែលហ្សិកមិនចាកចេញពីតោខៀវទៅ Real Madrid ដែរ ព្រោះខ្លួនចង់លេងជាមួយ ក៏ដូចជាទទួលបានបទពិសោធល្អពី Hazard ៕ប្រភព៖ Bbc
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
