អតីតកីឡាករជម្រើសជាតិប្រេស៊ីលនិងជាវីរបុរសមួយរូបនៅក្លឹប Barcelona លោក Rivaldo បានបង្ហាញការជឿជាក់ថា Neymar ពិតជាបានបង្កកំហុសដ៏ធ្ងន់ធ្ងរមួយក្នុងការសម្រេចចិត្តចាកចេញពីក្លឹបយក្សអ្នកមានបុណ្យកាលពីពេលកន្លងទៅ។
Neymar ដែលពុំទទួលបានផ្លែផ្កាច្រើននៅក្លឹបថ្មី Paris Saint-Germain ខុសពីនៅក្លឹបចាស់នៅរយៈពេល ៤ ឆ្នាំ លោកប្រមូលបានពានចំនួន ៩ មានមួយនៅ Champions League ទៀតផង។
ជុំវិញរឿងរ៉ាវនេះលោក Rivaldo មានប្រសាសន៍ថា៖ “ប្រសិនអ្នកនិយាយទៅកាន់ Neymar, ឪពុករបស់គាត់ឬគ្រួសាររបស់គាត់ ពួកគេប្រាកដជាគិតថាមិនគួរឲ្យសោកស្តាយអ្វីនោះទេ ប៉ុន្តែខ្ញុំមិនគិតដូច្នោះឡើយ ដោយ Barcelona គឺជា Barcelona ហើយ Neymar ក៏ជាកីឡាករកម្រិតខ្ពស់មួយក្នុងក្រុម”។
ឆ្លើយតបនឹងសំណួរនៃការវិលត្រលប់មកវិញរបស់ Neymar លោកបានឆ្លើយកាត់៖ “ខ្ញុំមិនច្បាស់ទេថាជារឿងល្អឬអត់សម្រាប់ក្រុម Barcelona ប៉ុន្តែខ្ញុំច្បាស់ថា Neymar គាត់ប្រាកដជាបានបង្កើតកំហុសជុំវិញការចាកចេញនេះ”។ ប្រភព: Sportskeeda