Lionel Messi កំពុងនាំមុខលើ Kylian Mbappe ចំនួន ៤ គ្រាប់នៅតំណែង Top Scorer នៃបាល់ទាត់អឺរ៉ុប យ៉ាងណាមិញសម្រាប់កីឡាករបារាំងគឺនៅសេសសល់មួយប្រកួតទៀតក្នុងដៃ មុនបញ្ចប់ក្របខ័ណ្ឌ Ligue 1 នាចុងសប្តាហ៍នេះ។
ថ្លែងក្នុងព្រឹត្តិការណ៍ទទួលពានរង្វាន់ Union Nationale des Footballeurs Professionnels កាលពីប៉ុន្មានថ្ងៃមុន Mbappe លាន់មាត់ថា៖ “ខ្ញុំមានគោលដៅចង់ឈ្នះ Golden Shoe ឆ្នាំនេះ ដោយមុននេះក្រោយឃើញ Messi ប្រកួត និង ២ គ្រាប់របស់គាត់ ខ្ញុំក៏ត្រលប់មកដេកវិញ តែខ្ញុំនៅសល់ ៩០ នាទីទេ បែបនេះខ្ញុំមិនទាន់ចាញ់នោះទេ”។
ដើម្បីតាមស្មើ M10 ចាំបាច់ណាស់ Mbappe ត្រូវរកឲ្យបាន ៤ គ្រាប់ក្នុងជំនួបទល់ Reims នាថ្ងៃសុក្រខាងមុខនេះ តែប្រសិនណាអាចស៊ុតដល់ ៥ គ្រាប់នោះនឹងឈ្នះដាច់តែឯកឯងតែម្តង។ ប្រភព: 9SportPro