Cazorla អតីតកីឡាករ Arsenal ដែលបច្ចុប្បន្នកំពុងលេងឱ្យ Villarreal ត្រូវបានក្រុមជម្រើសជាតិអេស្ប៉ាញកោះហៅឱ្យលេងជួយក្រុមវិញហើយ។កីឡាករវ័យ៣៤ឆ្នាំនេះ ត្រូវបានសម្រាកមិនអាចលេងបាល់បាន៦៦៨ថ្ងៃ ដោយសារតែមានរបួសត្រូវវះកាត់ជង្គង់ ជើងនិងសរសៃកែងជើងទៀត។ សរុបចំពោះការវះកាត់លើរូបគេនេះ មានរហូតដល់១១ដងឯណោះ។ យ៉ាងណាមិញ ក្រោយពីព្យាបាល២ឆ្នាំមកនេះ Cazorla នៅតែអាចចូលលេងបាល់វិញដដែល ហើយក៏លេងល្អថែមទៀត រហូតដល់អេស្ប៉ាញកោះហៅចូលជម្រើសជាតិវិញ។
កីឡាកររកបាន១៤គ្រាប់ក្នុងការលេងឱ្យអេស្ប៉ាញ៧៧ប្រកួតនេះ នឹងចូលជួយក្រុមសម្រាប់ព្រឹត្តិការណ៍ជម្រុះ Euro 2020 ទល់ក្រុមកោះហ្វារ៉ូ នៅថ្ងៃទី៧ខែក្រោយ និងប៉ះក្រុមស៊ុយអែតនៅថ្ងៃទី១០បន្ដទៀត៕
ប្រភព: Goal
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET