ខ្សែប្រយុទ្ធ Zaha បានប្រាប់ទៅក្លឹប Crystal Palace ថារូបគេចង់ចាកចេញពីក្លឹបនេះហើយ ដើម្បីស្វែងរកក្រុមមួយមានកៅអីលេងពានរង្វាន់ទ្វីបអឺរ៉ុប។
ក្រុម Crystal ក៏មិនឃាត់ទុករូបគេដែរ ប៉ុន្តែតម្លៃខ្លួនដែលអាចនឹងឱ្យគេចាកចេញនោះគឺ៨០លានផោនឯណោះ។ ហើយក្លឹបដែលកំពុងទាក់ទងចង់បានរូបគេគឺក្រុម Manchester United ដែលលោក Solskjaer ចង់បានមកពង្រឹងតំបន់ប្រយុទ្ធរបស់ខ្លួន។ តម្លៃដល់៨០លានផោននេះ អាចនឹងធ្វើឱ្យក្រុមបិសាចក្រហមស្ទាក់ស្ទើរវិញដែរ ហើយនឹងអាចបន្ដការចរចាដើម្បីបញ្ចុះតម្លៃជាងនេះបន្តិច។
កីឡាករវ័យ២៦ឆ្នាំខាងលើនេះ ក៏ជាអតីតកីឡាករ Man Utd ផងដែរនៅពីឆ្នាំ២០១៣ដល់២០១៥ ប៉ុន្តែមិនសូវបានចូលលេងឡើយ ដោយត្រូវបានក្លឹបដាក់ឱ្យគេខ្ចីជើងរហូត។ ដល់ឆ្នាំ ២០១៥ ទើបក្រុម Crystal សម្រេចចិត្តទិញយក រហូតមកដល់បច្ចុប្បន្ននេះ។ គោលដៅរបស់ Wilfried Zaha គឺចង់ទៅលេងនៅក្លឹបមួយដែលអាចលេងពានរង្វាន់ UEFA Champions League បាន៕ប្រភព៖ Dailymail
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
