Mourinho៖ “PSG ជា​ក្លឹប​លំដាប់​កំពូល តែ​ពួក​គេ​មិន​ទាន់​បាន​ឈ្នះ​ពាន​រង្វាន់​អឺរ៉ុប”

ក្នុង​បទសម្ភាសន៍​ជាមួយ​សារព័ត៌មាន L’Equipe លោក Jose Mourinho ​ត្រូវ​បាន​គេ​ចោទ​សួរ​ជុំវិញ​បំណង​នៃ​ការ​មក​ដឹកនាំ​ក្លឹប​យក្ស​បារាំង Paris Saint-Germain ប៉ុន្តែ​តាម​ការ​ឆ្លើយឆ្លង​ត្រលប់​មក​វិញ លោក​បាន​ផ្ត់ល់​នូវ​ចម្លើយ​ដ៏​សមស្រប​មួយ។

អតីត​គ្រូ​ចាស់​នៅ​បិសាច​ក្រហម​និយាយ​ថា៖ “វា​មិន​អាច​ទៅ​រួច​នោះ​ទេ ព្រោះ​អ្នក​មិន​អាច​ទៅ​ដឹកនាំ​ក្លឹប​ណា​ដែល​កំពុង​មាន​អ្នក​ដឹកនាំ​រួច​ស្រេច​នោះ​ឡើយ សម្រាប់ PSG ជា​ក្លឹប​ដែល​ពោរពេញ​ដោយ​កីឡាករ​លំដាប់​កំពូល តែ​ពួក​គេ​មិន​ទាន់​បាន​ឈ្នះ​ពាន​រង្វាន់​អឺរ៉ុប នេះ​ហើយ​ជា​រឿង​ដែល​សំខាន់​បំផុត”។

អ្នកចាត់ការ​សញ្ជាតិ​ព័រទុយហ្គាល់​ក៏​បន្ថែម៖ “ខ្ញុំ​ធ្លាប់​បាន​ជជែក​ជាមួយ​អ្នកចាត់ការ​ដទៃ ​ដោយ​ថា​អ្នក​អាច​មាន​គុណភាព​គ្រប់គ្រាន់ តែ​បើ​ចុង​បញ្ចប់​នៃ​អាជីព​អ្នក​មិន​ទាន់​ឈ្នះ​ពាន​រង្វាន់​អឺរ៉ុប នោះ​អ្នក​ប្រៀប​ដូច​នឹង​បាត់បង់​អ្វី​ម្យ៉ាង”។ ប្រភព:BeSoccer

ភ្ជាប់ទំនាក់ទំនងជាមួយ CTS SPORT