ក្រុម Chelsea ព្រមលក់ Eden Hazard ឱ្យក្រុម Real Madrid ហើយក្នុងតម្លៃខ្លួន១០០លានអឺរ៉ូ ប៉ុន្តែត្រូវរង់ចាំឱ្យចប់ Europa League សិន។
Hazard ចង់ទៅលេងនៅ Real Madrid ច្រើនលើកមកហើយ ប៉ុន្តែតោខៀវ Chelsea នៅតែអាចទប់រូបគេជាប់ មិនឱ្យចាកចេញទៅឡើយ។ ខណៈដែលកុងត្រាថ្មីមិនបន្ដ ហើយកុងត្រាចាស់ជិតអស់ផងនោះ ក្រុមរបស់លោក Sarri មានតែជម្រើស១គត់ គឺលក់រូបគេចេញ ដើម្បីទទួលបានតម្លៃខ្លួនខ្លះមកវិញ។
បើតាមដំណឹងនៅថ្ងៃនេះ ក្រុម Chelsea ព្រមលក់ Hazard ឱ្យ Real Madrid ហើយក្នុងតម្លៃខ្លួនដល់ទៅ១០០លានអឺរ៉ូឯណោះ។ ដោយតម្លៃខ្លួននេះ គឺក្រុមអធិរាជស ក៏បានយល់ព្រមហើយដែរ ប៉ុន្តែការប្រកាសជាផ្លូវការនឹងធ្វើឡើងនៅដើមខែក្រោយ ពោលគឺ Hazard ត្រូវជួយក្រុម Chelsea លេងពានរង្វាន់ Europa League សិន៕ប្រភព៖ Dailymail
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
