លោក Tom Werner ប្រធានក្លឹប Liverpool ថាថ្នាក់ដឹកនាំទាំងអស់គាំទ្រពេញទំហឹងចំពោះអ្វីដែលលោក Klopp សម្រេចបាននៅឆ្នាំនេះហើយ ហើយឆ្នាំក្រោយក្រុមនេះនឹងលើកពានមិនខាន។
លោក Klopp បានដឹកនាំក្រុម Liverpool ទទួលបានចំណាត់ថ្នាក់លេខ២ ដោយចាញ់ពិន្ទុក្រុម Man City តែ១ពិន្ទុប៉ុណ្ណោះ។ ដោយឡែកសម្រាប់ពានរង្វាន់ទ្វីបអឺរ៉ុបវិញ ហង្សក្រហមបានឡើងដល់វគ្គផ្ដាច់ព្រ័ត្រត្រូវលេងទល់ក្រុម Spurs ហើយ នៅថ្ងៃទី១ខែមិថុនាឆ្នាំ២០១៩ខាងមុខនេះ។
ការធ្វើបានល្អនារដូវកាលនេះ បានធ្វើឱ្យថ្នាក់ដឹកនាំក្រុមសប្បាយចិត្តយ៉ាងខ្លាំង ត្បិតអីចាយលុយច្រើនប៉ុន្តែក្រុមទាំងមូលពិតជាលេងល្អមែន។ លោក Tom Werner ដែលជាប្រធានក្លឹបបានបញ្ជាក់ថានឹងបន្ដគាំទ្រអ្វីដែលលោក Klopp ត្រូវការបន្ដទៀតនារដូវកាលក្រោយ។ ថ្នាក់ដឹកនាំក្រុម ជឿជាក់ថានារដូវកាលក្រោយនេះ ក្រុម Liverpool នឹងលើកពានរង្វាន់ English Premier League មិនខាន៕ប្រភព៖ Dailymail