ពាន​រង្វាន់ Champions League រដូវ​កាល ២០១៨/១៩ ក្លឹប Juventus បាន​របូត​សារ​ជា​ថ្មី​ត្រឹម​វគ្គ ៨ ក្រុម​ចុង​ក្រោយ ខណៈ​ពាន​ដែល​ជោគជ័យ​កន្លង​ទៅ​គឺ​បន្ត​ច្រំ​ដែល​ជាមួយ Serie A។ យ៉ាងណាមិញ​តាម​ការ​មើល​ឃើញ​របស់​អតីត​ជើង​ចាស់​នៅ​សេះ​បង្កង់​លោក Andrea Pirlo បាន​សង្កត់​ធ្ងន់​ថា​ក្លឹប​ចាំ​បាច់​ត្រូវ​ទិញ​​អ្នក​ថ្មី​ដើម្បី​មក​ជួយ​ជ្រោមជ្រែង។

លោក Pirlo មាន​ប្រសាសន៍​ថា៖ “ខ្ញុំ​គិត​ថា​ក្លឹប​ត្រូវ​ការ​ទិញ​យក Isco ព្រោះ​យើង​កំពុង​ស្ថិត​នៅ​កម្រិត​មួយ​ផ្សេង​ទៀត តែ​យើង​ចាំ​បាច់​ត្រូវ​ឈ្នះ​ពាន​រង្វាន់ Champions League ខណៈ​តំបន់​បម្រើ​គឺ​ចាំ​បាច់​ត្រូវ​តែ​ពង្រឹង”។

លោក​សង្កត់​ធ្ងន់៖ “ប្រហែល​ជា​ក្រុម​របស់​លោក Allegri កំពុង​ខ្សោយ​គុណភាព​លេង​នៅ​តំបន់​កណ្តាល ហើយ​ការ​ដែល​ទិញ Ronaldo មក គឺ​មិន​មាន​មធ្យោបាយ​ដើម្បី​កាត់​បាល់​ទៅ​ដល់​ជើង​របស់​គាត់​បាន​ឡើយ បែប​នេះ​តំបន់​បម្រើ​ត្រូវ​ការ​ចាំ​បាច់​ដើម្បី​ឆ្ពោះ​ទៅ​ការ​តតាំង Champions League”។

រំឭក​ថា​នៅ CL រដូវ​កាល ២០១៩/២០ បច្ចុប្បន្ន​រក​បាន​ប៉ុន្មាន​ក្រុម​បណ្តើរៗ​ហើយ មាន​តាំង​ពី​នៅ​លីគ​អេស្ប៉ាញ អង់គ្លេស អ៊ីតាលី បារាំង រុស្ស៊ី​ជា​ដើម ខ្លះ​សុទ្ធ​សឹង​មាន​ឈ្មោះ​កក់​កៅអី​នៅ​វគ្គ​ចែក​ពូល​ហើយ​ស្រេច។ ប្រភព:Sportskeeda

មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET