ទោះ Klopp ជោគជ័យ​ខ្លាំង តែ​ចំណូល​ប្រចាំ​ឆ្នាំ​នៅ​កើប​បាន​តិច​ជាង Ole ទេ

លោក Jurgen Klopp បាន​ដឹកនាំ​ហង្ស​ក្រហម​ Liverpool ឲ្យ​ឈរ​នៅ​ចំណាត់ថ្នាក់​ទី ២ នៅ​ក្របខ័ណ្ឌ Premier League ចាញ់​តែ​មួយ​ពិន្ទុ​គត់​ធៀប​នឹង​មេឃ​ខៀវ ស្រប​ពេល​នៅ Champions League ក្រុម​របស់​លោក​កំពុង​ចាំ​តតាំង​នា​វគ្គ​ផ្តាច់ព្រ័ត្រ។

យ៉ាងណាមិញ​បើ​និយាយ​ពី​ចំណូល​ប្រចាំ​ឆ្នាំ ត្បិត​អី​លោក Klopp អាច​រាប់​ចូល​ជា​អ្នកចាត់ការ​កំពូល​មួយ​រូប តែ​បើ​ធៀប​នឹង​ចំណូល​ដែល Ole Gunnar Solskjaer ទទួល​បាន​គឺ​នៅ​ទាប​ជាង​ទៅ​វិញ​ទេ។ តាម​ប្រភព​ក្រៅ​ស្រុក​បាន​ឲ្យ​ដឹង​ថា Ole អាច​រក​បាន​ខ្ទង់ ៧,៥ លាន​ផោន​ក្នុង​មួយ​ឆ្នាំ បន្ទាប់​ពី​លោក​ចុះ​កុងត្រា ៣ ឆ្នាំ​ជាមួយ​ Manchester United។

ទំហំ​ប្រាក់​ប៉ុណ្ណេះ​គឺ​ពាក់​កណ្តាល​ធៀប​នឹង​លោក Jose Mourinho ដែល​ជា​អតីត​គ្រូ​ចាស់ ប៉ុន្តែ​ច្រើន​ជាង​លោក Jurgen Klopp ដែល​ទទួល​បាន​ត្រឹម ៧ លាន​ផោន​ប៉ុណ្ណោះ​ពី​ក្លឹប Liverpool។ រំឭក​ថា​ហង្ស​នឹង​ត្រូវ​តតាំង Tottenham នា​វគ្គ​ផ្តាច់ព្រ័ត្រ CL ក្នុង​ថ្ងៃ​ទី ២ ​មិថុនា ឆ្នាំ ២០១៩។ ប្រភព៖ FoxSportAsia

មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET

ភ្ជាប់ទំនាក់ទំនងជាមួយ CTS SPORT