សហព័ន្ធកីឡាបាល់ទាត់អេស្ប៉ាញ បានប្រកាសបណ្ដេញលោក Lopetegui ចេញពីតំណែងកាលពីម្សិលមិញនេះ ក្រោមហេតុផលថាបានលួចចុះកុងត្រាជាមួយ Real Madrid ស្ងាត់ៗ។
ក្រោយពីចាកចេញពីតំណែងនេះទៅ អតីតគ្រូបង្វឹក Porto បាននិយាយថា៖ “ខ្ញុំពិតជាពិបាកចិត្ត ប៉ុន្តែខ្ញុំជូនពរពួកគេឱ្យជោគជ័យនៅ World Cup ឆ្នាំនេះ ហើយយើងនឹងឈ្នះពានរង្វាន់ធំនេះឱ្យបាន។ យើងបានរៀបចំក្រុមយ៉ាងល្អ ដូច្នេះខ្ញុំគិតថាយើងអាចឈ្នះ World Cup ឆ្នាំនេះបាន”។
នៅចាំបានថាអំឡុងពេលលោកនៅដឹកនាំក្រុមអេស្ប៉ាញ២ឆ្នាំនេះ ក្រុមម្ចាស់ពានរង្វាន់ World Cup 2010 នេះ ពិតជាខ្លាំងមែនទែន ដោយឆ្លងកាត់២០ប្រកួត ឈ្នះ១៤ ស្មើ៦ មិនដែលចាញ់នោះទេ។ លើសពីនេះទៅទៀត អេស្ប៉ាញរកគ្រាប់បាល់បាន៦១គ្រាប់ និងឱ្យគេស៊ុតវិញបានតែ១៣គ្រាប់ប៉ុណ្ណោះ៕ប្រភព៖ MARCA
