គ្រូ Arsenal ​ថា​ក្រុម​មិន​ទាន់​ឈ្នះ​ពាន​ទេ ​អ្នក​គាំទ្រ​កុំ​អាល​អរ​អី

លោក Unai Emery ​បាន​ចាត់​ទុក​ការ​ឈ្នះ Valencia ​មិន​មែន​ជា​ជោគជ័យ​ធំ​សម្រាប់​ក្រុម Arsenal ​ឡើយ ​ព្រោះ​ពួកគេ​មិន​ទាន់​បាន​លើក​ពាន​នៅ​ឡើយ។

កាំភ្លើង​ធំ ​បាន​ឡើង​ដល់​វគ្គ​ផ្ដាច់ព្រ័ត្រ UEFA Europa League ​ហើយ ​បន្ទាប់​ពី​យក​ឈ្នះ​លើ​ក្រុម Valencia ​ក្នុង​លទ្ធផល ៧-៣ ​គិត​ទាំង​ពីរ​ជើង។ ត្បិត​តែ​ធ្វើ​បាន​ល្អ​នៅ​វគ្គ​៤​ក្រុម​ចុង​ក្រោយ​នេះ​មែន ប៉ុន្តែ​សម្រាប់​លោក Emery ​បាន​ចាត់​ទុក​ថា​មិន​ទាន់​ជោគជ័យ​សម្រាប់​ក្រុម​នោះ​ទេ ព្រោះ​មិន​ទាន់​បាន​លើក​ពាន​នៅ​ឡើយ។

អ្នក​ចាត់ការ​ដែល​ធ្លាប់​ដឹក​នាំ Sevilla ​លើក​ពាន Europa League ​៣​សម័យ​កាល​ខាង​លើ​បាន​និយាយ​ដូច្នេះ​ថា​៖ “វា​មិន​ទាន់​បញ្ចប់​ឡើយ ​វា​មិន​ទាន់​ជោគជ័យ​ទេ យើង​ត្រូវ​លេង​វគ្គ​ផ្ដាច់ព្រ័ត្រ​ទៀត។ យើង​សប្បាយ​ចិត្ត​ដល់​វគ្គ​នេះ ប៉ុន្តែ​យើង​ត្រូវ​ប្រឹង​លើស​ដើម​ដើម្បី​ឈ្នះ​ការ​ប្រកួត​១​ប្រកួត​ទៀត”។

ក្រុម Arsenal ​នឹង​ត្រូវ​ប៉ះ​ក្រុម Chelsea ​នៅ​វគ្គ​ផ្ដាច់ព្រ័ត្រ​នៅ​ថ្ងៃ​ទី​២៩​ខែ​នេះ ​នៅ​ទីក្រុង​ Baku ប្រទេស​អាហ្សេបៃហ្សង់៕ប្រភប៖ Dailymail

មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET

ភ្ជាប់ទំនាក់ទំនងជាមួយ CTS SPORT