Klopp ​៖ ប្រាប់​រឿង​វាយ​បក Real Madrid ​ទៅ​កូន​ក្រុម ​ដើម្បី​លើក​ទឹក​ចិត្ត​មុន​ប៉ះ Barca

លោក Jurgen Klopp ​កំពុង​លើក​ទឹក​ចិត្ត​កីឡាករ ដើម្បី​ឱ្យ​ពួកគេ​បង្កើត​ប្រវត្តិសាស្ត្រ​ថ្មី វាយ​បក​យក​ឈ្នះ​លើ​ក្រុម Barcelona ​វិញ ​នៅ​ជើង​ទី​២ Champions League ​វគ្គ​ពាក់​កណ្ដាល​ផ្ដាច់ព្រ័ត្រ។

កាល​ពី​ជើង​ទី​១​កន្លង​ទៅ ​ក្រុម Liverpool ​បាន​ចាញ់​ដល់​ទៅ ៣-០ ​ឯ​ណោះ ដូច្នេះ​ហើយ​នៅ​ជើង​ទី​២​យប់​នេះ ​នឹង​ធ្វើ​ឱ្យ​ពួកគេ​ពិបាក​មិន​ខាន​ក្នុង​ការ​យក​ឈ្នះ​ច្រើន​គ្រាប់ ទើប​អាច​ឡើង​វគ្គ​បន្ដ​បាន។ ទន្ទឹម​គ្នា​នេះ​ដែរ ​លោក Klopp ​បាន​លើក​ទឹក​ចិត្ត​កូន​ក្រុម ដោយ​និយាយ​ពី​ឆ្នាំ​២០១៤ ​គ្រា​ដែល​លោក​ដឹក​នាំ​ក្រុម Dortmund ​។

នៅ​ពេល​នោះ ​ក្រុម Dortmund ​បាន​ចាញ់​ក្រុម Real Madrid ​នៅ​ជើង​ទី​១ ​៣-០ ​ដូច​គ្នា ​ហើយ​ក៏​លេង​នៅ Champions League ​ដែរ។ ​ដោយ​ជើង​ទី​២ ​នៅ​ទឹក​ដី​អាល្លឺម៉ង់​វិញ ​ក្រុម Dortmund ​ត្រូវ​លោក Klopp ​ដូរ​យុទ្ធសាស្ត្រ ​ហើយ​ក៏​លេង​បាន​យ៉ាង​ល្អ ​ឈ្នះ ២-០ ​វិញ ប៉ុន្តែ​គួរ​ឱ្យ​សោកស្ដាយ ​ពួកគេ​នៅ​តែ​មិន​អាច​ឡើង​ទៅ​វគ្គ​បន្ដ​បាន​ដដែល។ ក្នុង​ការ​ប្រកួត​ឆ្នាំ​នោះ ​នៅ​ជើង​ទី​២ ​លោក Klopp ​គិត​ថា​ក្រុម Dortmund ​លេង គួរ​តែ​ស៊ី Real ​បាន ៥-០ ​ទើប​ត្រូវ ​មិន​សម​២-០ទេ។

រឿង​កើត​ឡើង​នៅ​ឆ្នាំ​នោះ​ហើយ ​លោក Klopp ​បាន​និយាយ​ប្រាប់​ទៅ​កូន​ក្រុម Liverpool ​ដើម្បី​ឱ្យ​ពួកគេ​មាន​កម្លាំង​ចិត្ត ​ហើយ​ធ្វើ​ឱ្យ​បាន​សម្រេច​ក្នុង​ការ​យក​ឈ្នះ Barcelona ​ច្រើន​គ្រាប់​ឡើង​វគ្គ​បន្ដ៕ប្រភព៖ dailymail

មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET

 

ភ្ជាប់ទំនាក់ទំនងជាមួយ CTS SPORT