Casemiro ​ជា​កីឡាករ​សំខាន់ ធ្វើ​ឱ្យ Neymar ​ជោគជ័យ​នៅ​ជម្រើស​ជាតិ​ប្រេស៊ីល

Luis Felipe Scolari ​អតីត​គ្រូ​បង្វឹក​ក្រុម​ជម្រើស​ជាតិ​ប្រេស៊ីល ​មើល​ឃើញ​ថា Casemiro ​គឺ​ជា​កីឡាករ​សំខាន់​ណាស់​ក្នុង​ក្រុម ​ដែល​តែងតែ​ជួយ​ឱ្យ Neymar ​ជោគជ័យ​ជា​និច្ច ​ក្នុង​តំបន់​ប្រយុទ្ធ។

Scolari ​ជា​គ្រូ​បង្វឹក​ម្នាក់ ​ដែល​នាំ​ឱ្យ​ប្រេស៊ីល​លើក​ពាន FIFA World Cup ​នា​ឆ្នាំ​២០០២។ គ្រូ​បង្វឹក​ដែល​មាន​បទ​ពិសោធ​ច្រើន​រាប់​មិន​អស់​នេះ ​យល់​ឃើញ​ថា​ក្រុម​ប្រេស៊ីល​បច្ចុប្បន្ន​កំពុង​តែ​ដើរ​តាម​កន្លង​ដែល​លោក​ដឹក​នាំ​នៅ​ឆ្នាំ​២០០២​នោះ​ហើយ។ លោក​មើល​ឃើញ​ថា​តំបន់​បម្រើ​របស់​ប្រេស៊ីល ​ជា​កត្តា​សំខាន់​ណាស់​សម្រាប់​ក្រុម​ទាំង​មូល​ជា​ពិសេស​តំបន់​ប្រយុទ្ធ​តែ​ម្ដង។

“កីឡាករ​សំខាន់​ជាង​គេ​របស់​ប្រេស៊ីល បច្ចុប្បន្ន​នេះ គឺ Casemiro។ គាត់​តែងតែ​ផ្ដល់​ភាព​ស្មើ​គ្នា​ជា​និច្ច ​នៅ​តំបន់​បម្រើ និង​ជា​អ្នក​ផ្លាស់​ប្ដូរ​ទម្រង់​លេង​ម្នាក់​ផង​ដែរ។ គាត់​អាច​ទុក​ផ្លូវ​ឱ្យ Marcelo Neymar ​និង​កីឡាករ​ដទៃ​ទៀត ​ឱ្យ​មាន​កន្លែង​ទំនេរ​បាន។ នេះ​ជា​ប្រភេទ​កីឡាករ​ម្នាក់​ដែល​ក្រុម​ជម្រើស​ជាតិ​ត្រូវ​ការ​បំផុត”។ សម្ដី​របស់ Scolari ៕ប្រភព៖ DailyMail

 

ភ្ជាប់ទំនាក់ទំនងជាមួយ CTS SPORT