បច្ចេកវិទ្យាប្រព័ន្ធជំនួយភ្នែកអាជ្ញាកណ្តាលលើទីលាន Video Assistant Referee ឬហៅកាត់ថា VAR នឹងសម្រេចបើកឲ្យប្រើប្រាស់ជាផ្លូវការក្នុងក្របខ័ណ្ឌលីគកំពូលថៃ Thai League 1 ចាប់ពីពាក់កណ្តាលរដូវកាល ២០១៨/១៩ នេះតទៅ។
បើតាមនាយកគ្រប់គ្រងសមាគមបាល់ទាត់ថៃ FAT លោក Somyot Poompunmuang បានប្រាប់ Bangkok Post ថា VAR នឹងកំណត់ឲ្យប្រើប្រាស់នៅ Thai League ត្រឹមពាក់កណ្តាលរដូវកាល ២០១៨/១៩ នេះ ស្របពេលបច្ចុប្បន្នក្របខ័ណ្ឌក៏វិលដល់ជុំទី ៩ នៃជុំសរុបទាំង ៣០ ហើយ។
រំឭកថា VAR បានប្រកាសជាលើកដំបូងនៅប្រទេសថៃជាងមួយឆ្នាំមកហើយ តាំងពីខែមករា ឆ្នាំ ២០១៨ ប៉ុន្តែក្រោយមានការត្អូញត្អែរឥតឈប់ឈរពីបណ្តាក្លឹបបាល់ទាត់ក្នុងតំបន់ សមាគមក៏សម្រេចផ្អាកចោលមួយរយៈ។
ដោយឡែកការកំណត់ជាផ្លូវការក្នុងពេលដ៏ខ្លីខាងមុខ ប្រភពសារព័ត៌មានខាងលើក៏បង្ហើបថា FAT ក៏បានទាក់ទងទៅអង្គភាពរបស់ FIFA ក្នុងការអនុវត្តដាក់ឲ្យដំណើរការបច្ចេកវិទ្យានេះ ហើយ FIFA ស្នើសុំត្រលប់មកវិញ ពោលគឺចង់ឲ្យសមាគមបាល់ទាត់ថៃមានការបណ្តុះបណ្តាលពីដំណើរការប្រើប្រាស់ច្បាស់លាស់ទុកជាមុន មុនពេលប្រើផ្លូវការលើទីលានប្រកួត។ ប្រភព: FoxSportAsia
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET