• គ្រូ Spurs ​ថា​ក្រុម​របស់​លោក​នៅ​តែ​មាន​សង្ឃឹម​ឡើង​វគ្គ​ផ្ដាច់ព្រ័ត្រ​

    ក្រុម Spurs ​បាន​បរាជ័យ​ក្នុង​ដី​ខ្លួន​ឯង ១-០ ​ក្រោម​ថ្វី​ជើង​របស់ Ajax ​កាល​ពី​យប់មិញ​នេះ ​ក្នុង​ការ​ប្រកួត​ពាន​រង្វាន់ UEFA Champions League ​វគ្គ​ពាក់​កណ្ដាល​ផ្ដាច់ព្រ័ត្រ។

    ត្បិត​តែ​បរាជ័យ​ជើង​ទី​១​នេះ​មែន ប៉ុន្តែ​លោក Pochettino ​នៅ​តែ​ជឿ​ជាក់​លើ​កូន​ក្រុម អាច​ឡើង​វគ្គ​បន្ដ​បាន​ដដែល ព្រោះ​ការ​ប្រកួត​នៅ​សល់​៩០​នាទី​ទៀត​សម្រាប់​ជើង​ទី​២។ អ្នក​ចាត់ការ​សញ្ជាតិ​អាហ្សង់ទីន​រូប​នេះ ​បាន​និយាយ​ទៀត​ថា​៖ “វា​ជា​លទ្ធផល ១-០។ យើង​ត្រូវ​តែ​ជឿ​ជាក់​លើ​ខ្លួន​ឯង ​ថា​នឹង​ឈ្នះ​ការ​ប្រកួត​ជើង​ទី​២។ សម្រាប់​ប្រកួត​នេះ ​យើង​ចាប់​ផ្ដើម​មិន​ល្អ​ទេ ​ស្រប​ពេល Ajax ​វិញ ​បាន​បង្ហាញ​ពី​ថាម​ពល។ វា​ពិបាក​សម្រាប់​យើង​នៅ​ពេល​យើង​ខ្សោយ​កម្លាំង​យ៉ាង​នេះ”។

    ក្រុម Spurs ​នៅ​យប់មិញ​នេះ លេង​ដោយ​អវត្តមាន​ខ្សែ​ប្រយុទ្ធ​សំខាន់​២​រូប គឺ Harry Kane ​និង Son ​ដែល​សុទ្ធ​តែ​ជា​កីឡាករ​សំខាន់​សម្រាប់​រក​គ្រាប់​បាល់។ នៅ​ជើង​ទី​២ Son ​អាច​ចូល​លេង​បាន​ព្រោះ​ផុត​បម្រាម ប៉ុន្តែ​សម្រាប់ Kane ​ដែល​រង​របួស​នោះ​នៅ​មិន​ទាន់​ច្បាស់​នៅ​ឡើយ​ទេ៕ប្រភព៖ BBC

    មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET

     

     

     

     

    ភ្ជាប់ទំនាក់ទំនងជាមួយ CTS SPORT