• អ្នក​ចាត់ការ​ថ្មី Real ៖ Messi ​ជា​កីឡាករ​ល្អ​បំផុត​ដែល​ខ្ញុំ​បាន​ស្គាល់

    Lopetegui ​អ្នក​ចាត់ការ​ថ្មី​របស់​ក្រុម Real Madrid ​បាន​និយាយ​ថា​កីឡាករ Lionel Messi ​គឺ​ជា​ខ្សែ​ប្រយុទ្ធ​ល្អ​បំផុត​ក្នុង​លោក​នេះ ដែល​លោក​ធ្លាប់​ស្គាល់។

    ក្លឹប Real Madrid ​បាន​តែងតាំង​លោក Lopetegui ​មក​ដឹក​នាំ​ក្រុម​ក្នុង​កុងត្រា​រយៈ​ពេល​៣​ឆ្នាំ។ ដោយ​ការ​ដឹក​នាំ​នេះ ​នឹង​ចូល​មក​ដល់​នា​ចប់​ព្រឹត្តិការណ៍ World Cup ​សិន ព្រោះ​ថា​លោក Lopetegui ​កំពុង​ដឹក​នាំ​ជម្រើស​ជាតិ​អេស្ប៉ាញ។ មុន​ឈាន​ជើង​ចូល​ដឹក​នាំ​ក្រុម Real ​អ្នក​ចាត់ការ​ថ្មី​នេះ​ធ្លាប់​បាន​និយាយ​សរសើរ​ដល់ Messi ​ជា​ខ្លាំង ​ថា​ជា​កីឡាករ​ល្អ​ជាង​គេ​ដែល​ខ្លួន​បាន​ស្គាល់។

    “ Messi ​ជា​កីឡាករ​ល្អ​ជាង​គេ​ដែល​ខ្ញុំ​បាន​ស្គាល់។ វា​ពិត​ជា​ពិបាក​ណាស់​ក្នុង​ការ​ស្វែង​រក​កីឡាករ​ណា​ម្នាក់​មាន​សមត្ថភាព​ដូច​គាត់​ម្ដង​ទៀត”។ សម្ដី​របស់​លោក Lopetegui ។ យ៉ាងណាមិញ ​ចំពោះ Ronaldo ​វិញ លោក​ក៏​បាន​និយាយ​ដែរ​ថា​ខ្សែ​ប្រយុទ្ធ​រូប​នេះ​កំពុង​ធ្វើ​បាន​ល្អ​ខ្លាំង​មែនទែន ​ក្នុង​ជំនាន់​របស់​ខ្លួន ​ហើយ​ថែម​ទាំង​ជួយ​ក្រុម​បាន​ច្រើន​ថែម​ទៀត។ មាន​តែ​រូបគេ​ម្នាក់​គត់​ដែល​អាច​ប្រជែង​យក​ពាន​រង្វាន់​ផ្ទាល់​ខ្លួន​ជាមួយ Messi ​បាន។

    លោក​ Lopetegui គឺជា​អតីត​អ្នក​ចាំ​ទី​ក្រុម​ Real Madrid Castilla ដោយ​បង្ហាញ​ខ្លួន​បាន​៦១​ប្រកួត​ និង​លេង​ឲ្យ​ឈុត​ធំ​ Real Madrid បាន​១​ប្រកួត​ដែរ។ ក្នុង​អាជីព​ជា​អ្នក​ចាត់​ការ​វិញ​លោក​ធ្លាប់​ដឹកនាំ​ Real Madrid B ១​រដូវ​កាល និង​ដឹកនាំ​ក្រុម​អេស្ប៉ាញ​តាំង​ពី​ឈុត​ U19 ដល់​ U21 និង​ចុង​ក្រោយ​គឺ​ឈុត​ធំ៕ប្រភព៖ MARCA

    ភ្ជាប់ទំនាក់ទំនងជាមួយ CTS SPORT