លោក Thomas Tuchel អ្នកចាត់ការក្រុម PSG មិនសប្បាយចិត្តចំពោះទង្វើរបស់ខ្សែប្រយុទ្ធ Neymar ចំពោះអ្នកគាំទ្រ អំឡុងពេលលេងចាញ់ក្រុម Rennes ពានរង្វាន់ French Cup ឡើយ។
ក្រុម PSG បរាជ័យក្រោមថ្វីជើងក្រុម Rennes ទាំងមិនគួរឱ្យជឿ ដោយបាល់កាត់សេចក្ដី១១ម៉ែត្រ ៦-៥ ក្រោយលេងស្មើគ្នា២-២ ក្នុងម៉ោងលេង១២០នាទី។ បរាជ័យនេះ បានធ្វើឱ្យកីឡាករក្រុមអ្នកមានបារាំងមិនសប្បាយចិត្តឡើយ ហើយអ្នកដែលមិនសប្បាយចិត្តខ្លាំងជាងគេនោះគឺ Neymar តែម្ដង។
អំឡុងពេលឡើងទៅយកមេដាយ Neymar បានប៉ះពាក្យសម្ដីជាមួយអ្នកគាំទ្រនៅផ្លូវឡើង ហើយបានវាយ១ដៃ ទៅលើអ្នកគាំទ្រនោះថែមទៀត។ កាយវិការនេះ ធ្វើឱ្យគេចែករំលែកច្រើនមែនទែន ហើយសម្រាប់លោក Tuchel ដែលជាអ្នកចាត់ការក្រុម PSG វិញ ក៏បង្ហាញការមិនពេញចិត្តផងដែរ។
លោក បាននិយាយដូច្នេះថា៖ “អ្នកមិនអាចទៅវាយអ្នកគាំទ្របានទេ គឺមិនអាចកើតឡើងតែម្ដង។ វាពិបាកក្នុងការបរាជ័យនៅវគ្គផ្ដាច់ព្រ័ត្រ ប៉ុន្តែអ្នកត្រូវទទួលយកការពិត ទទួលយកលទ្ធផលនៃការប្រកួត។ ប្រសិនបើយើងចាញ់ យើងត្រូវទទួលយក និងគោរពដៃគូប្រកួត”៕ប្រភព៖ BBC
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET