ជុំទី ៣៦ នៅក្របខ័ណ្ឌ Premier League បានបញ្ចប់ទៅកាលពីថ្ងៃអាទិត្យម្សិលមិញ ដោយក្រុមខ្លាំងខ្សោយជាច្រើនបានតតាំងគ្នាដើម្បីស្វែងរក ៣ ពិន្ទុរៀងខ្លួន។
យើងក្រឡេកទៅមើលកំពូលតារាងក៏នៅតែមានក្រុមពីរហាក់តាមប្រកៀកប្រកិតឥតឈប់ ដោយ Man City ក៏ឡើងមកឈរកំពូលមាន ៩២ ពិន្ទុ តាមដោយហង្សក្រហម Liverpool ដែលយកឈ្នះ Huddersfield កាលពីថ្ងៃមុននៅលទ្ធផល ៥-០ មាន ៩១ ពិន្ទុ។
កៅអី Top 4 ត្រូវបានប្រជែងយ៉ាងស្អិតរមួតពីសំណាក់ក្រុម ៣ រួមមាន Chelsea, Arsenal និង Man Utd ដោយបច្ចុប្បន្នតោខៀវឈរលេខ ៤ មាន ៦៨ ពិន្ទុបន្ទាប់ពីស្មើជាមួយបិសាចកាលពីរាត្រីថ្ងៃអាទិត្យ ហើយ Arsenal មាន ៦៦ ពិន្ទុឈរហួស ១ ពិន្ទុប៉ុណ្ណោះធៀបនឹងក្លឹប Man Utd។
ក្រុមម្នាក់ៗសល់ ២ ប្រកួតក្នុងដៃ ដោយលទ្ធផលអាចនឹងសម្រេចទៅបានរហូតដល់ប្រកួតចុងក្រោយទើបយកជាការ ពោលគឺ Premier League រដូវកាលនេះ ខុសពីលីគដទៃ ដែលខ្លះស្វែងរកអ្នកលើកពាននិងអ្នកកក់កៅអី Top 4 រួចស្រេចទៅហើយនោះ។
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
