ធ្លាក់​ពី French Cup យប់មិញ Neymar បោះ​សម្តី​លុត​មិត្ត​រួម​ក្រុម​ក្មេងៗ​មិន​សំចៃ​មាត់

ខ្សែ​ប្រយុទ្ធ​ឆ្នើម Neymar បាន​ធ្វើ​ការ​ណែនាំ​ដល់​មិត្ត​រួម​ក្រុម​វ័យ​ក្មេង​ប៉ុន្មាន​រូប​នៅ Paris Saint-Germain ឲ្យ​ចេះ​ស្តាប់​ដល់​រៀម​ច្បង​មាន​បទពិសោធន៍​ច្រើន​ជាង​នេះ​បន្តិច បន្ទាប់​ពី​ក្រុម​ត្រូវ​បរាជ័យ​នៅ​វគ្គ​ផ្តាច់ព្រ័ត្រ​ពាន​រង្វាន់ Coupe de France ទល់​នឹង Rennes កាល​ពី​យប់មិញ។

បញ្ជាក់​ក្រោយ​បិទ​ការ​ប្រកួត​ជាមួយ​អ្នក​សារព័ត៌មាន​កីឡាករ​ប្រេស៊ីល​រូប​នេះ​ប្រាប់​ថា៖ “ខ្ញុំ​ឃើញ​កីឡាករ​វ័យ​ក្មេង​ជា​ច្រើន ដែល​ពួក​គេ​ចាំ​បាច់​ត្រូវ​ស្តាប់​ឲ្យ​បាន​ច្រើន​ជាង​និយាយ ពេល​ខ្លះ​គេ​អ្នក​មាន​បទពិសោធន៍​ច្រើន​គេ​និយាយ ហើយ​ពួក​គេ​ក៏​ឆ្លើយឆ្លង​មក​វិញ ​រហូត​ដល់​អ្នកចាត់ការ​និយាយ ពួក​គេ​ក៏​ឆ្លើយ​តប​មក​វិញ​បែប​ខឹង​សម្បា ទាំង​នេះ​មិន​បាន​ជា​លទ្ធផល​ឲ្យ​ក្រុម​ទៅ​មុខ​បាន​ឡើយ”។

អតីត​កីឡាករ​ជួរ​មុខ​នៅ Barca បញ្ចប់​ទៀត​ថា៖ “យើង​មាន​បទពិសោធន៍​ច្រើន​ជាង ដូច្នេះ​ពួក​គេ​ត្រូវ​គោរព​យើង​ជាង​នេះ​បន្តិច ស្តាប់​ឲ្យ​បាន​ច្រើន​បន្តិច ព្រោះ​ខ្ញុំ​កាល​ចាប់​ផ្តើម​ដំបូងៗ​ក៏​ខ្ញុំ​អនុវត្ត​បែប​នេះ​ដែរ”។ប្រភព:AllFootball

មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET

ភ្ជាប់ទំនាក់ទំនងជាមួយ CTS SPORT