Eden Hazard ទាមទារក្រុម Real Madrid ៤សែនផោន ក្នុង១សប្ដាហ៍ ដោយកាត់ពន្ធរួច ក្នុងការផ្លាស់ទៅលេងនៅអេស្ប៉ាញនារដូវកាលក្រោយនេះ។
Hazard អាចនឹងផ្លាស់ទៅលេងនៅ Real Madrid ហើយនៅរដូវកាលថ្មីខាងមុខនេះ ក្រោយពីរូបគេមិនព្រមបន្ដកុងត្រាថ្មីជាមួយក្រុម Chelsea ឡើយ។ កីឡាករបែលហ្សិករូបនេះ មានក្ដីស្រមៃទៅលេងនៅអេស្ប៉ាញ ជាច្រើនឆ្នាំមកហើយដែរ ជាពិសេសក្រោមការដឹកនាំរបស់លោក Zidane តែម្ដង។ ប្រភពនៅអង់គ្លេស បានបង្ហើបទៀតថាបច្ចុប្បន្នក្លឹបនិងសាមីខ្លួនកំពុងចរចាគ្នា។ Hazard បានទារក្រុម Real Madrid ប្រមាណ៤សែនផោន ក្នុង១សប្ដាហ៍ ហើយតម្លៃនេះគឺកាត់ពន្ធរួចថែមទៀត។
Hazard ចូលរួមជាមួយក្រុម Chelsea នៅឆ្នាំ២០១២ ផ្លាស់មកពីក្រុម Lille ។ រូបគេឈ្នះពានរង្វាន់ Premier League បាន២ដង FA Cup បាន១ដង និង League Cup , Europa League បានម្ដងទៀត៕ប្រភព៖ dailymail
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET