ខ្សែ​ការពារ Liverpool ​ឈ្នះ​ពាន​កីឡាករ​ល្អ​បំផុត​នៅ​អង់គ្លេស​

Van Dijk ​ខ្សែ​ការពារ​របស់​ក្រុម Liverpool ​បាន​ឈ្នះ​ពាន​រង្វាន់​កីឡាករ​ឆ្នើម​បំផុត​នៅ Premier League ​ក្នុង​រដូវ​កាល​នេះ​ហើយ។

កីឡាករ​ហុល្លង់​ខាង​លើ ​បាន​ស្ថិត​ក្នុង​បញ្ជី​ឈ្មោះ​កីឡាករ​ល្អ​បំផុត​៦​នាក់​ចុង​ក្រោយ ​ដោយ​រួម​មាន terling, Sadio Mane, Eden Hazard, Sergio Aguero និង Bernardo Silva។ យ៉ាងណាមិញ ​បើ​តាម​ស្ថិតិ​បាន​បង្ហាញ​យ៉ាង​ច្បាស់​ថា Van Dijk ​បាន​យក​ឈ្នះ​គេ ​ក្លាយ​ជា​កីឡាករ​ឆ្នើម​បំផុត​នា​រដូវ​កាល​នេះ​ទៅ​ហើយ។ ​តាម​គម្រោង ​ការ​ប្រកាស​ជា​ផ្លូវការ​នឹង​ធ្វើ​ឡើង​នៅ​ថ្ងៃ​ស្អែក​នេះ។

នេះ​ជា​លើក​ដំបូង​ចាប់​តាំង​ពី​ឆ្នាំ​២០០៥​មក ​ដែល​មាន​ខ្សែ​ការពារ​ឈ្នះ​ពាន​រង្វាន់​កីឡាករ​ល្អ​ជាង​គេ​នៅ​លីគ​កំពូល​អង់គ្លេស​នេះ។ ​នៅ​ឆ្នាំ​២០០៥ ​កីឡាករ John Terry ​ជា​ខ្សែ​ការពារ​ឈ្នះ​ពាន​នេះ៕

 

 

 

ភ្ជាប់ទំនាក់ទំនងជាមួយ CTS SPORT