• Pep ​៖​យើង​ឈ្នះ Man Utd ​តែ​មិន​ទាន់​ឈ្នះ​ពាន​ទេ ​ត្រូវ​ប្រឹង​ទៀត

    លោក Pep Guardiola ​បាន​ប្រាប់​ឱ្យ​កីឡាករ Man City ស្ងប់ស្ងាត់​បន្ដ​ទៀត ​ព្រោះ​ឈ្នះ​ត្រឹម Man Utd ​មិន​ទាន់​បាន​លើក​ពាន​រង្វាន់​នៅ​ឡើយ​ទេ។

    ក្រុម Man City ​បាន​យក​ឈ្នះ​លើ​ក្រុម Man Utd ​ក្នុង​លទ្ធផល ២-០ ​ក្នុង​ការ​ប្រកួត​លីគ​កំពូល​អង់គ្លេស​សប្ដាហ៍​ទី​៣៥។ បាន​៣​ពិន្ទុ​ពី​ទឹក​ដី Old Trafford ​នេះ ​បាន​ធ្វើ​ឱ្យ​ក្រុម Man City ​ឡើង​មក​លេខ​១​កំពូល​តារាង​ហើយ ​ដោយ​មាន​ក្រុម Liverpool ​ដេញ​ពី​ក្រោម ​លើស​ខ្វះ​គ្នា​ត្រឹម​១​ពិន្ទុ​ប៉ុណ្ណោះ ខណៈ​ដែល​ការ​ប្រកួត​នៅ​សល់​៣​ប្រកួត​ទៀត។

    លោក Pep ​បាន​ដាស់​តឿន​ក្រុម​ទាំង​មូល​ថា ​មិន​ត្រូវ​បាត់​បង់​និង​សប្បាយ​ខ្លាំង​ពេក​ទេ ត្រឹម​ឈ្នះ​ក្រុម Man Utd ​នេះ ​ព្រោះ​ការ​ប្រកួត​ខាង​មុខ​ក៏​សំខាន់​ដែរ។ ពួកគេ​ត្រូវ​ឈ្នះ​ការ​ប្រកួត​នៅ​សល់​៣​ប្រកួត​ទៀត​នេះ​ទាំង​អស់ ទើប​អាច​លើក​ពាន​បាន។ ខណៈ​ដែល​ក្រុម Liverpool ​វិញ ​ក៏​មិន​ចាញ់​ដែរ​នៅ​៣​ប្រកួត​នៅ​សល់​នោះ៕

    ភ្ជាប់ទំនាក់ទំនងជាមួយ CTS SPORT