Zidane បង្ហើប​មហិច្ឆតា​ចង់​ដណ្តើម​ពាន LaLiga ពី Barcelona នា​រដូវ​កាល​ក្រោយ

នា​រដូវ​កាល​នេះ​អាច​ថា​សារ​ចោល​សម្រាប់​ក្លឹប​យក្ស Real Madrid បន្ទាប់​ពី​ធ្លាក់​ចុះ​ទម្រង់​លេង​បាត់បង់​ឱកាស​លើក​ពាន​សំខាន់​ដល់​ទៅ ៣ ក្នុង​រដូវ​កាល​តែ​មួយ។ គ្រប់​យ៉ាង​ក៏​រំពឹង​នឹង​ត្រលប់​មក​វិញ បន្ទាប់​ពី​អ្នកចាត់ការ​ Zinedine Zidane ទើប​វិល​ចូល​ក្លឹប​ចាស់​របស់​ខ្លួន​កាល​ពី​ប៉ុន្មាន​ខែ​មុន។

បុរស​សញ្ជាតិ​បារាំង​ដែល​ធ្លាប់​ដឹកនាំ​ឲ្យ Los Blancos ឈ្នះ​ពាន LaLiga កាល​ពី​រដូវ​កាល ២០១៦/១៧ បាន​បង្ហើប​ពី​មហិច្ឆតា​ចង់​ដណ្តើម​ពាន​នេះ​ពី Barca ត្រលប់​មក​វិញ​នា​រដូវ​កាល​ក្រោយ។

លោក​បាន​និយាយ​ថា៖ “យើង​បាន​ឈ្នះ​ពាន​ក្នុង​លីគ ៣៣ លើក​រួច​មក​ហើយ ចុះ Barcelona វិញ​ឈ្នះ​បាន​ប៉ុណ្ណា? ពិត​ណាស់​ពួក​គេ​ធ្វើ​បាន​ល្អ​ច្រើន​កន្លង​មក​នេះ ដោយ​យើង​មាន​តែ​ការ​សាទរ​ដល់​ពួក​គេ ប៉ុន្តែ​បើ​និយាយ​ពី​តួ​លេខ Madrid មាន​ពាន​លីគ​ច្រើន​ជាង ហើយ​ខ្ញុំ​និយាយ​នេះ​មិន​មែន​ការពារ​ខ្លួន​ខ្ញុំ​ទេ តែ​ព្រោះ​មុន​នេះ​អ្នក​និយាយ​ថា Barcelona ​បាន​កំពុង​ល្អ​ប្រសើរ​ក្នុង​លីគ”។

លោក​សង្កត់​ធ្ងន់៖ “យើង​នឹង​ធ្វើ​ការ​ផ្លាស់ប្តូរ ដោយ​ខ្ញុំ​អាច​ប្រាប់​ថា​យើង​នឹង​ព្យាយាម​ការ​ប្រកួតប្រជែង​នៅ LaLiga តាម​ដែល​អាច​ទៅ​រួច​នា​រដូវ​កាល​បន្ទាប់ និង​ចាត់​ទុក​ពាន​នេះ​ជា​គោលដៅ​ចម្បង​របស់​យើង”។ ប្រភព: 9SportPro

មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET

ភ្ជាប់ទំនាក់ទំនងជាមួយ CTS SPORT