ក្រោយបរាជ័យទល់នឹង Everton នៅលទ្ធផល ៤-០ កាលពីយប់ថ្ងៃអាទិត្យកន្លងទៅ ក្រុមបិសាចក្រហមក៏ទទួលរងការរិះគន់និងមតិប្រតិកម្មជាខ្លាំង ដោយព្រួយបារម្ភថាក្លឹបយក្សនៅអង់គ្លេសមួយនេះ ប្រឈមនឹងត្រូវលេងបានត្រឹម Europa League នារដូវកាលបន្ទាប់។
ជាងនេះទៅទៀតនៅលើបណ្តាញសង្គម ក្រុមអ្នកគាំទ្រជាច្រើនក៏បានបញ្ឆេះឲ្យអ្នកចាត់ការលោក Ole Gunnar Solskjaer គួរណាលៃលកលក់ចេញខ្សែបម្រើ Nemanja Matic ចេញពីក្លឹបឲ្យបានឆាប់រហ័សបំផុត។ សារនេះក៏ឆ្លើយតបទៅនឹងកម្រិតពិន្ទុដែល Matic ទទួលបានទាបជាងគេបំផុតក្នុងការប្រកួតនៅទឹកដី Goodison Park កាលពីយប់មិញ។ នេះបើយោងតាមទិន្នន័យវាយតម្លៃចេញពី WhoScored។
មតិមួយហើយមួយទៀតបានជំរុញឲ្យក្រុមម្ចាស់ដី Old Trafford ប្រញាប់លក់ចេញ Matic ដើម្បីស្តារស្ថានភាពក្នុងគោលដៅឆ្ពោះទៅដណ្តើមពានរង្វាន់សំខាន់ណាមួយនាពេលអនាគត។
រំឭកថាបិសាចនៅសល់ ៤ ប្រកួតក្នុងដៃ ដោយសព្វថ្ងៃឈរលេខ ៦ មាន ៦៤ ពិន្ទុចាញ់ក្រុម Arsenal និង Chelsea មាន ៦៦ ពិន្ទុ ដោយត្រៀមតតាំងក្រុមរបស់លោក Pep Guardiola នាសប្តាហ៍ក្រោយ។ ប្រសិនណា United អាចយកឈ្នះ City នោះនឹងជាការរាំងស្ទះផ្លូវមិនឲ្យក្រុមមួយនេះ ឆ្ពោះទៅដណ្តើមពានជាមួយហង្សក្រហមបានឡើយ។ ប្រភព: Sportskeeda
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
