ការ​ប្រកួត​ក្នុង​ក្របខ័ណ្ឌ​កំពូល​នៅ​តំបន់​អឺរ៉ុប​សេសសល់​តែ​ប៉ុន្មាន​សប្តាហ៍​ទៀត​ប៉ុណ្ណោះ មុន​ឈាន​ដល់​ពេលវេលា​បញ្ចប់​រដូវ​កាល។ ជា​លទ្ធផល​ក្រុម​ខ្លះ​ក៏​សម្រេច​រួច​ជា​ស្រេច ថា​អាច​នឹង​មាន​កៅអី​លេង​នៅ Champions League នា​រដូវ​កាល ២០១៩/២០ បើ​ផ្អែក​តាម​ចំណាត់ថ្នាក់​ពិន្ទុ​របស់​ពួក​គេ។

ក្នុង​នោះ​នៅ Premier League គឺ​មាន​ហង្ស​ក្រហម​និង​មេឃ​ខៀវ ដោយ​ក្រុម​ទាំង​ពីរ​មាន​ពិន្ទុ​ដាច់​ក្នុង​តារាង បែប​នេះ​សន្មត​យក​ជា​ការ​ថា​ពួក​គេ​នឹង​ប្រាកដ​អាច​លេង​ Champions League រដូវ​កាល​ក្រោយ​បាន។ មិន​ខុស​ពី​នៅ LaLiga ​ទាំង Barcelona និង Atletico Madrid ​ក៏​មាន​ពិន្ទុ​អាច​កក់​កៅអី​ដូច​គ្នា ដោយ​យើង​នៅ​ចាំ​មើល​ក្រុម​ពីរ​ផ្សេង​ទៀត​ដោយ​ទំនង​ជា Real Madrid ឬ Valencia/Getafe។

ទៅ​មើល​នៅ Bundesliga ឯ​ណោះ​វិញ​មាន Bayern Munich និង Borussia Dortmund ដែល​ប្រជែង​ឥត​ឈប់​តាំង​ពី​បើក​រដូវ​កាល​មក​ទល់​ពេល​នេះ ត្បិត​មិន​ទាន់​រក​ឃើញ​ក្រុម​លើក​ពាន តែ​តាម​កម្រិត​ពិន្ទុ​ក្រុម​ទាំង​ពីរ​នឹង​មាន​ឈ្មោះ​លេង​នា​រដូវ​កាល​ក្រោយ។ ​ចំណែក​ឯ Ligue 1 គឺ​មាន PSG ​ដែល​ទើប​លើក​ពាន​នា​ថ្ងៃ​នេះ ដូច​ទៅ​នឹង Juventus ដែល​ជោគជ័យ​នៅ Serie A។

សរុប​រួម​ ៨ ក្រុម​អាច​លេង CL រដូវ​កាល​ក្រោយ​មាន៖

• Man City
• Liverpool
• Barcelona
• Atletico Madrid
• Juventus
• PSG
• Dortmund
• Bayern Munich

ប្រភព: BeSoccer

មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET