ខ្សែការពារ Marcelo បាននិយាយថាក្រុម Real Madrid បានខូចទម្រង់លេងខ្លាំងណាស់នារដូវកាលនេះ ដោយសារតែការចាប់ផ្ដើមដើមរដូវកាលអន់ខ្លាំងពេក។
ក្រុម Real Madrid មិនមានឱកាសប្រជែងពានណាមួយឡើយនារដូវកាលនេះ ដោយមុនពេល Zidane មកដឹកនាំគឺពួកគេអស់ឱកាសទៅហើយ។ មួយវិញទៀត ត្រឹមតែ១រដូវកាលនេះ ពួកគេប្ដូរអ្នកចាត់ការដល់ទៅ៣នាក់ផងដែរ។ កត្ដាហើយបានធ្វើឱ្យ Marcelo ចាត់ទុកថានេះជាការធ្វើឱ្យខូចឈ្មោះក្លឹបនេះខ្លាំងណាស់។
កីឡាករប្រេស៊ីលបាននិយាយបន្ថែមថា៖ “វាពិតជាមានអារម្មណ៍ថាស្មុគស្មាញណាស់នៅពេលយើងលេងទាំងគ្មានប្រជែងយកពានអ្វីនោះ។ យើងត្រូវតែស្វែងរកកម្លាំងមកលើកទឹកចិត្ត ប៉ុន្តែនៅពេលយើងគ្មានលេងដើម្បីឈ្នះអ្វី នោះពិតជាពិបាក។ រដូវកាលនេះ យើងបានចាប់ផ្ដើមមិនល្អទាល់តែសោះ ហើយវាបានធ្វើឱ្យខូចខាតដល់ក្រុម Real Madrid ច្រើនមែនទែន”។
លោក Zidane ក៏ធ្លាប់និយាយចំពោះរឿងលេងដោយគ្មានការប្រជែងយកពានដែរថាសម្រាប់ក្រុមដូចជា Real Madrid នេះ ការធ្លាក់គ្រប់ពានរង្វាន់ទាំងអស់ គឺជារឿងអាក្រក់បំផុត។ វានឹងបណ្ដាលឱ្យក្រុមទាំងមូលបាក់ទឹកចិត្ត ហើយលោកផ្ទាល់អ្នកចាត់ការក៏ជួបនឹងបញ្ហាពិបាកលើកទឹកចិត្តក្រុមឡើងវិញដែរ៕ប្រភព៖ Dailymail
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET