លោក Zidane បានចាត់ទុកកីឡាករ Karim Benzema ជាខ្សែប្រយុទ្ធកណ្ដាលម្នាក់ល្អជាងគេលើលោកនេះ ក្រោយពីរកបាន៣គ្រាប់ ជួយក្រុមឈ្នះបាន៣ពិន្ទុយប់មិញនេះ។
ក្រុម Real Madrid យកបាន៣ពិន្ទុពីក្រុម Athletic Bilbao ដែលជាគុណសម្បត្តិធំរបស់ Benzema រកបាន៣គ្រាប់ម្នាក់ ក្នុងជ័យជម្នះ ៣-០។ ការបង្ហាញទម្រង់លេងយ៉ាងល្អនាប្រកួតនេះដែរ បានធ្វើឱ្យលោក Zidane បង្ហាញចំណាប់អារម្មណ៍លើរូបគេថា៖ “ខ្ញុំស្គាល់គាត់ច្បាស់ គាត់បានជួយក្រុមច្រើនណាស់។ អ្វីដែលគាត់រកបាន ចំនួនគ្រាប់បាល់នារដូវកាលនេះ បានបញ្ជាក់យ៉ាងច្បាស់ថាគាត់ជាកីឡាករលេខ៩ ល្អជាងគេនៅលើលោកនេះ។ នេះជាអ្វីដែលខ្ញុំមើលឃើញចំពោះគាត់”។
Benzema រកបាន២១គ្រាប់ហើយសរុបទាំងអស់នៅ La Liga នារដូវកាលនេះ។ រូបគេកំពុងឈរនៅចំណាត់ថ្នាក់លេខ២ក្នុងតារាងអ្នករកគ្រាប់បាល់បានច្រើនជាង ខណៈដែលលេខ១នោះ គឺ Lionel Messi ៕ប្រភព៖ Dailymail
មើលហាងឆេងគ្រាប់ត និងបង្កើតគណនីឥតគិតថ្លៃនៅ 2MBET
