វៀតណាម នឹងធ្វើជាម្ចាស់ផ្ទះ រៀបចំកម្មវិធីចាប់ឆ្នោតពានរង្វាន់ Carabao Cup របស់អង់គ្លេស នារដូវកាលថ្មីខាងមុខនេះ។League Cup ឬគេហៅថា Carabao Cup នឹងធ្វើការចាប់ឆ្នោតក្រុមទាំង៧០ឱ្យប៉ះគ្នា ត្រៀមរដូវកាលថ្មីខាងមុខ។
ដោយការចាប់ឆ្នោតនេះ នឹងធ្វើឡើងនៅប្រទេសវៀតណាម។ នេះបើតាមការបញ្ជាក់របស់សហព័ន្ធកីឡាបាល់ទាត់អង់គ្លេស។ អ្នកបច្ចេកទេសជាច្រើននាក់របស់អង់គ្លេស នឹងត្រូវបញ្ជូនមកដើម្បីរៀបចំកម្មវិធីមួយនេះ នៅទីក្រុងហូជីមីង។ ខណៈដែលការចាប់ឆ្នោតឆ្នាំមុន ធ្វើឡើងនៅប្រទេសថៃ។
League Cup ត្រូវបានប្ដូរឈ្មោះទៅជា Carabao Cup បន្ទាប់ពីក្រុមហ៊ុន Carabao របស់ប្រទេសថៃបានចូលខ្លួនទៅឧបត្ថម្ភព្រឹត្តិការណ៍មួយនេះកាលពីឆ្នាំ២០១៧កន្លងទៅ។ សម្រាប់ម្ចាស់ជើងឯកឆ្នាំមុនបានទៅលើក្រុម Manchester City ៕ប្រភព៖ DailyMail