Lionel Messi នៅតែបង្ហាញទម្រង់លេងយ៉ាងល្អទាំងការប្រកួតក្នុងនិងក្រៅក្របខ័ណ្ឌជាពិសេសនៅពានរង្វាន់អឺរ៉ុបនេះផ្ទាល់ ដោយកាលពីយប់មិញកីឡាករអាហ្សង់ទីនអាចរកបាន ២ គ្រាប់បន្ថែមទៀត ជួយឲ្យ Barcelona អាចទម្លាក់ Manchester United ចេញពីវគ្គ ៨ ក្រុមចុងក្រោយ។
ស្ថិតិមុនការប្រកួតឈានចូលមកដល់នៅយប់មិញ M10 រកបាន ២២ គ្រាប់ទល់នឹងក្រុមអង់គ្លេសនៅ Champions League ដែលជាកំណត់ត្រាឈរដាច់គេបង្អស់ ដោយឡែក ២ គ្រាប់ថែមទៀតនេះ រុញឲ្យគេឡើងដល់ ២៤ គ្រាប់ហើយ។
ក្នុងនោះមាន ៣២ ប្រកួតសរុប ដោយគ្រាប់បាល់ទាំង ២៤ ចែកដូចជាទល់ Arsenal ៩ គ្រាប់, Man City ៦ គ្រាប់, Man Utd ៤ គ្រាប់, Chelsea ៣ គ្រាប់និង Tottenham ២ គ្រាប់។ បញ្ជាក់ថាក្រុមកាតាឡាន់ដែលកំពុងនាំមុខ ៩ ពិន្ទុនៅ LaLiga នឹងត្រូវតតាំងក្រុម Real Sociedad នៅយប់ថ្ងៃសោរ៍នេះ ជាគោលដៅឆ្ពោះទៅការលើកពាន ៣ ក្នុងមួយរដូវកាល។ ប្រភព: Sportskeeda