Javier Tebas ប្រធាន La Liga បានបញ្ជាក់ថាទាំង Cristiano Ronaldo និង Antonie Griezmann នឹងមិនទៅណាចោលអេស្ប៉ាញ ឬក្លឹបរបស់ខ្លួនឡើយនៅរដូវកាលក្រោយ។
Ronaldo កំពុងតែមានដំណឹងថានឹងចាកចេញពី Real Madrid ហើយ បន្ទាប់ពីជួយក្រុមមួយនេះឈ្នះពានរង្វាន់ UEFA Champions League បាន៣ឆ្នាំជាប់គ្នា។ ដំណើរនៃការចាកចេញនេះ មិនទាន់ដឹងថាប្រាកដប៉ុន្មានភាគរយនោះទេ ត្បិតអីមានដំណឹងមួយចំនួនថារូបគេនឹងទៅចូលរួមជាមួយ PSG ។
ចំណែកឯ Griezmann វិញ ក៏ចង់ចាកចេញពី Atletico Madrid ផងដែរ។ ក្លឹបដែលចង់បានខ្សែប្រយុទ្ធជម្រើសជាតិបារាំងម្នាក់នេះ គឺក្រុម FC Barcelona ។ Barca ចង់បានកីឡាកររូបនេះ ប៉ុន្មានដងមកហើយ ប៉ុន្តែការផ្ទេរចេះតែមិនសម្រេច។ ខណៈដែលលើកនេះវិញ ពួកគេមានភាគរយខ្ពស់ថានឹងបាន Griezmann ។
តែទោះជាយ៉ាងនេះក្ដី មេ La Liga លោក Tebas មានទំនុកចិត្តថាដំណឹងខាងលើនេះមិនពិតទាំងអស់។ លោកជឿជាក់ថាកីឡាករទាំងពីរខាងលើនឹងបន្ដលេងនៅក្លឹបបច្ចុប្បន្នរបស់ពួកគេបន្ដទៀតនារដូវកាលក្រោយ។ “ខ្ញុំគិតថា Cristiano នឹងនៅ Real Madrid បន្ដ ហើយ Griezmann ក៏នៅ Atletico បន្ដដែរ”៕ប្រភព៖ DailyMail