ក្រុមបិសាចក្រហម Manchester United ត្រូវបានគេដឹងថាយល់ព្រមលក្ខខណ្ឌផ្ទាល់ខ្លួនជាមួយខ្សែបម្រើ Declan Rice របស់ក្រុម West Ham ហើយ។
ក្រុមរបស់លោក Ole Gunnar Solskjaer បានចាប់ផ្ដើមស្វែងរកកីឡាករថ្មីបណ្ដើរៗហើយ។ ដោយក្នុងនោះ មានដំណឹងមកថា Man Utd បានយល់ព្រមលក្ខខណ្ឌផ្ទាល់ខ្លួនជាមួយកីឡាកររបស់ក្រុម West Ham លេងនៅតំបន់បម្រើឈ្មោះថា Declan Rice។ យុវជនវ័យ២០ឆ្នាំរូបនេះ លេងបានយ៉ាងល្អនារដូវកាលនេះ ទើបបានជាបិសាចក្រហមចាប់អារម្មណ៍ខ្លាំង។ តម្លៃខ្លួនរបស់គេ ត្រូវបានគេប៉ាន់ប្រមាណថានឹងហក់ឡើងដល់៥០លានផោនឯណោះ។
ការចង់បានកីឡាករខាងលើ គឺក្រោយពីក្រុម Man Utd មិនអាចចរចាតកុងត្រាឱ្យខ្សែបម្រើ Ander Herrera បាន ស្របពេលកីឡាករ Juan Mata និង Nemanja Matic ក៏មិនទាន់ច្បាស់ពីអនាគតទៀត។ ដូច្នេះហើយទើបក្រុមការងាររបស់លោក Solskjaer ចាប់ផ្ដើមសម្លឹងមើលកីឡាករដទៃទៀតឱ្យហើយ៕ប្រភព៖ Foxsportsasia
