Coutinho អាចនឹងត្រូវក្រុម FC Barcelona បញ្ចេញចោលហើយនៅរដូវក្ដៅខាងមុខនេះ ព្រោះរូបគេលេងមិនទាន់ត្រូវតាមអ្វីដែលអ្នកចាត់ការចង់បាន។
បើទោះជាលេងមិនទាន់ល្អដល់កម្រិតមែន ប៉ុន្តែកីឡាករប្រេស៊ីលខាងលើនេះ បានបង្ហាញជំហរចង់បន្ដនៅអេស្ប៉ាញទៀត។ ហើយការចាកចេញទៅលេងនៅអង់គ្លេសវិញ ក៏គ្មានក្នុងគម្រោងរបស់គេដែរ បើទោះជាក្រុមបិសាចក្រហមព្យាយាមទាក់ទងក្ដី។ Coutinho បាននិយាយទៀតថា៖ “នេះជារដូវកាលទី២របស់ខ្ញុំនៅទីនេះ។ ខ្ញុំចង់លេងបាល់ទាត់នៅអេស្ប៉ាញ ហើយពេលនេះក្ដីស្រមៃខ្ញុំបានសម្រេចហើយ ជាមួយក្លឹបល្អជាងគេលើលោក។ តើខ្ញុំចង់ចាកចេញទៅណាទៀត?”។
អតីតកីឡាករ Liverpool ខាងលើនេះ នឹងត្រូវតតាំងជាមួយក្រុមបិសាចក្រហម Man Utd នៅថ្ងៃទី១០ខាងមុខនាកីឡដ្ឋាន Old Trafford ក្នុងពានរង្វាន់ UEFA Champions League វគ្គ៨ក្រុមចុងក្រោយជើងទី១។ រូបគេចង់ឈ្នះការប្រកួតនេះ ដើម្បីបញ្ជាក់ថាខ្លួនសក្ដិសមបំផុតដើម្បីនៅក្រុមអ្នកមានបុណ្យបន្ដទៀត៕ប្រភព៖ MARCA