Zidane ៖ ​អស់​ឱកាស​លើក​ពាន គឺ​ពិបាក​លើក​ទឹក​ចិត្ត​កីឡាករ​ណាស់​

ក្រុម Real Madrid ​នៅ​តែ​បង្ហាញ​ទម្រង់​លេង​មិន​ល្អ​ដដែល ​បើ​ទោះ​ជា​លោក Zidane ​មក​ដឹក​នាំ​ក្រុម​វិញ​ក៏​ដោយ ​ក៏​កីឡាករ​មើល​ទៅ​លេង​គ្មាន​កម្លាំង​ដែរ។

ចំពោះ​ការ​លេង​មិន​ល្អ​នេះ ​អ្នក​ចាត់ការ​សញ្ជាតិ​បារាំង​ដែល​ដឹក​នាំ​ក្រុម​នេះ​លើក​ពាន UEFA Champions League ​បាន​៣​ឆ្នាំ​ជាប់​គ្នា​និយាយ​ថា​៖ “យើង​អស់​ឱកាស​ប្រជែង​ពាន​ទៅ​ហើយ​នា​រដូវ​កាល​នេះ ​ពេល​ខ្ញុំ​ចូល​មក​ដល់។ នេះ​ជា​ហេតុផល​ដែល​យើង​លេង​មិន​ល្អ ​ព្រោះ​យើង​គ្មាន​ការ​ប្រកួត​ប្រជែង​ទេ។ វា​ពិបាក​ណាស់​ក្នុង​ការ​លើក​ទឹកចិត្ត​កីឡាករ​នៅ​ពេល​ដែល​គ្មាន​ពាន​រង្វាន់​ណា​មួយ​ដែល​យើង​ត្រូវ​ប្រជែង​យក”។

Real Madrid ​រដូវ​កាល​នេះ ​ជា​រដូវ​កាល​អាក្រក់​បំផុត​សម្រាប់​ពួកគេ។ ដោយ​ផ្លាស់​ប្ដូរ​អ្នក​ចាត់ការ​៣​នាក់​ទៅ​ហើយ ប៉ុន្តែ​ក្រុម​នៅ​តែ​មិន​ល្អ​ដដែល។ យ៉ាងណាមិញ ​លោក Zidane ​រំពឹង​ថា​ក្រោយ​ចប់​រដូវ​កាល​នេះ ​អ្វី​គ្រប់​យ៉ាង​នឹង​ល្អ​ឡើង​វិញ ​ហើយ​លោក​ក៏​ត្រៀម​នឹង​នាំ​យក​កីឡាករ​ថ្មី​មក​រួម​ក្រុម​ផង​ដែរ៕ប្រភព៖ MARCA

 

ភ្ជាប់ទំនាក់ទំនងជាមួយ CTS SPORT