Hugo Lloris សុំឱ្យអ្នកគាំទ្ររបស់ក្រុម Spurs ទាំងអស់មកចូលរួមមើលការប្រកួតឱ្យពេញកីឡដ្ឋានថ្មីរបស់ខ្លួន ពេលប៉ះជាមួយក្រុម Manchester City ។ការប្រកួតពានរង្វាន់ UEFA Champions League នឹងចូលមកដល់នាពាក់កណ្ដាលសប្ដាហ៍ក្រោយនេះហើយ ដោយក្រុម Spurs ប៉ះក្រុម Manchester City ។ ជាមួយគ្នានេះដែរ ការប្រកួតជើងទី១នឹងលេងនៅទឹកដី Spurs កីឡដ្ឋានថ្មីដែលទើបកសាងឡើង និងទើបលេងបាន១ប្រកួតប៉ុណ្ណោះ។ ការលេងនៅទីលានថ្មីនេះដែរ ត្រូវបានអ្នកចាំទី Lloris គិតថាជាកម្លាំងចិត្តខ្លាំងសម្រាប់ក្រុមខ្លួន។
Lloris បាននិយាយដូច្នេះថា៖ “កីឡដ្ឋានថ្មីនេះ ខ្ញុំគិតថានឹងអាចជួយយើងបានច្រើន។ យើងត្រូវការអ្នកគាំទ្រឱ្យច្រើនៗគ្រប់ប្រកួត ដូចការប្រកួតធំៗជាមួយ Man City ជាដើម។ យើងរីករាយដែលឈានមកដល់វគ្គនេះ ហើយយើងក៏ត្រៀមខ្លួនរួចជាស្រេចដើម្បីលេងផងដែរ។ យើងកំពុងកសាងអនាគតដ៏ល្អ ហើយវាក៏ត្រូវការពេលវេលា និងអ្នកគាំទ្រជួយពីក្រោយ”៕
ប្រភព៖ DailyMail