​ប្រធាន​ក្លឹប Barcelona ​កំពុង​ចរចា​ត​កុងត្រា​ជាមួយ Messi ​១​ជីវិត​តែ​ម្ដង​

លោក Josep Maria Bartomeu ​ប្រធាន​ក្លឹប FC Barcelona ​បាន​បញ្ជាក់​ថា​ក្រុម​ការងារ​កំពុង​ព្រាង​ច្បាប់ ​ដើម្បី​ត​កុងត្រា​ជាមួយ Lionel Messi ​រហូត​១​ជីវិត​តែ​ម្ដង។

ខ្សែ​ប្រយុទ្ធ​វ័យ​៣១​ឆ្នាំ ​ដែល​លេង​នៅ​ក្លឹប FC Barcelona ​តាំង​ពី​តូច​មក​នេះ ​នៅ​សល់​កុងត្រា​រហូត​ដល់​ឆ្នាំ​២០២១​ឯ​ណោះ ប៉ុន្តែ​ខាង​ក្លឹប​ខ្លាច​មាន​គេ​ឆក់​យក​បាត់ ទើប​ព្យាយាម​បន្ដ​កុងត្រា​រហូត។ បច្ចុប្បន្ន​នេះ Messi ​មាន​តម្លៃ​ពលកម្ម​កន្លះ​លាន​ផោន​ក្នុង​១​សប្ដាហ៍ ​ប៉ុន្តែ​អាច​នឹង​រក​បាន​ច្រើន​ជាង​នេះ​ទៀត ប្រសិន​បើ​រូបគេ​ព្រម​បន្ដ​កុងត្រា​ថ្មី​ជាមួយ​ក្លឹប​ទៀត។

ក្លឹប​មាន​បំណង​បន្ដ​កុងត្រា​ដល់​រូបគេ​៥​ឆ្នាំ​ទៀត ​ដែល​៥​ឆ្នាំ​នេះ ​Messi ​នឹង​រក​បាន​១៣០​លាន​ផោន ​ហើយ​នឹង​មាន​ប្រាក់​ឧបត្ថម្ភ​៤០​លាន​ផោន​ទៀត ​ចំពោះ​ការ​លេង​ល្អ​របស់​គេ។ ​លោក  Bartomeu ​បាន​និយាយ​ថា​ទាំង​អ្នក​គាំទ្រ​និង​សមាជិក​ក្នុង​ក្រុម​ទាំង​អស់ សុទ្ធ​តែ​ចង់​ឱ្យ Messi ​បញ្ចប់​អាជីព​របស់​ខ្លួន​នៅ​ទឹកដី Camp Nou ​នេះ៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT