ប្រភពនៅអេស្ប៉ាញបានបញ្ជាក់ថាកីឡាករ Eden Hazard កំពុងឱ្យគេដើររកផ្ទះជួលនៅទីក្រុងម៉ាឌ្រីត ប្រទេសអេស្ប៉ាញ ក្រោយពីការចរចាទៅលេងនៅ Real Madrid កាន់តែកៀកមែនទែន។
រឿង Hazard ទៅលេងនៅ Real Madrid កាន់តែកើតមានឡើងខ្លាំង ក្រោយពីប្រភពនៅអេស្ប៉ាញថាកីឡាករបែលហ្សិករូបនេះ អាចនឹងចុះកុងត្រាជាមួយក្រុមអធិរាជសនៅប៉ុន្មានថ្ងៃខាងមុខនេះ រយៈពេល៦ឆ្នាំ។ លោក Zidane និងកីឡាករវ័យ២៦ឆ្នាំខាងលើនេះ មានទំនាក់ទំនងល្អនឹងគ្នា ព្រោះថា Hazard ធ្លាប់និយាយថាចង់ធ្វើការជាមួយ Zidane ជាយូរមកហើយ។
ស្របពេលអ្នកចាត់ការសញ្ជាតិបារាំងខាងលើនេះវិញ ក៏គិតថាវត្តមានរបស់កីឡាករ Chelsea រូបនេះ នឹងជួយក្រុមបានច្រើនផងដែរ ក្នុងការប្រជែងជាមួយក្រុម FC Barcelona និងពានរង្វាន់ UEFA Champions League។ នារដូវកាលនេះ Hazard រកគ្រាប់បាល់បាន១៤គ្រាប់ និងបញ្ជូនឱ្យមិត្តរួមក្រុមបាន១២គ្រាប់ ក្នុងការបង្ហាញខ្លួន៣១ប្រកួតនៅលីគ Premier League ៕ប្រភព៖ Dailymail
