Real Madrid ត្រូវបានគេរាយការណ៍ថាកំពុងត្រៀមផ្តល់កិច្ចព្រមព្រៀងកុងត្រាថ្មីសម្រាប់ Raphael Varane ដោយដំឡើងថ្លៃពលកម្មពី ៦ លានអឺរ៉ូ ឡើងមក ៩ លានអឺរ៉ូ ក្រោយល្ហិចល្ហៀងថាបុរសសញ្ជាតិបារាំងរើបម្រះចង់ចាកចេញពីក្លឹប។
យោងតាមសារព័ត៌មានអេស្ប៉ាញ AS បានបញ្ជាក់ថាមានតាំងពី Juventus, Barcelona និង Man Utd ជាដើម បានសម្លឹងនិងតាមមើលមិនដាក់ភ្នែកលើខ្សែការពារពេញកម្លាំងរូបនេះ បន្ទាប់ពីលេចលឺចចាមអារ៉ាមថារូបគេចង់ចាកចេញស្វែងរកការប្រកួតប្រជែងថ្មី។
យ៉ាងណាមិញ Zinedine Zidane នៅតែចង់ឲ្យ Varane បន្តជួយម្ចាស់ដី Bernabeu ទៅថ្ងៃមុខទៀត ដោយមើលតាមទេពកោសល្យនិងគុណភាពលេងដ៏ល្អរបស់រូបគេ។ ប្រសិនបែបណានោះ Varane ក៏អាចនឹងក្លាយជាកីឡាករ Madrid មួយរូប ដែលស៊ីថ្លៃបំផុតនៅក្លឹបផងដែរ។ ប្រភព: Goal