• ការ​ចាកចេញ​របស់ Ronaldo នាំ​បរាជ័យ​ឲ្យ R.Madrid ធ្ងន់ធ្ងរដល់កម្រិត​ណា​ខ្លះ?

    Cristiano Ronaldo បាន​មក​ចូលរួម​ជាមួយ Madrid នា​រដូវ​កាល​ ២០០៩-១០ ប៉ុន្តែ​កាល​ពី​រដូវ​ក្តៅ​កន្លង​ទៅ​បុរស​សញ្ជាតិ​ព័រទុយហ្គាល់​ក៏​សម្រេច​ផ្លាស់​ចេញ​ទៅ​លេង​ឲ្យ Juventus។ ​ការ​បាត់បង់​តារា​ឆ្នើម​ពាក់​អាវ​លេខ ៧ តើ​ស្តេច​ស​រង​បរាជ័យ​ធ្ងន់ធ្ងរ​ដល់​កម្រិត​ណា?

    ជា​តួ​លេខ​ដ៏​មិន​នឹក​ស្មាន​មួយ គឺ​ថា​រដូវ​កាល​នេះ​ក្រោយ​ការ​ចាកចេញ​របស់ Ronaldo ក្លឹប Real Madrid បាន​ចាញ់​ ១៥ ប្រកួត​ហើយ។ បរាជ័យ​ក្រោយ​គេ​បង្អស់​កើត​ឡើង​ក្នុង​ជំនួប​ទល់ Valencia នៅ​កីឡដ្ឋាន Mestalla កាល​ពី​យប់​ថ្ងៃ​មុន។ ១៥ ប្រកួត​ដែល​ Los Blancos បរាជ័យ​មាន ២ នៅ Copa del Rey, ៣ នៅ Champions League និង ១០ នៅ LaLiga។

    ក្នុង​នោះ​មាន ៦ ស្ថិត​ក្រោម​ការ​ដឹកនាំ​ដោយ​លោក Julen Lopetegui, ៨ លើក​ដឹកនាំ​ដោយ Santiago Solari និង​ ១ លើក​ចុង​ក្រោយ​នេះ​ស្វាគមន៍​ការ​វិល​ត្រលប់​របស់​លោក Zinedine Zidane។

    រំឭក​ថា​នេះ​ជា​រដូវ​កាល​ដ៏​អាក្រក់​មួយ ព្រោះ​បើ​ធៀប​នឹង​ការ​ថមថយ​កាល​ពី​អតីត​កាល​ដូចជំនាន់ Jose Mourinho អំឡុង​រដូវ​កាល ២០១២/១៣ គឺ​ចាញ់​តែ ១១ លើក ហើយ​ចាញ់ ១០ លើក​ក្រោម​ការ​ដឹកនាំ​ដោយ Ancelotti ​នា​រដូវ​កាល ២០១៤/១៥។ ប្រភព: BeSoccer

    ភ្ជាប់ទំនាក់ទំនងជាមួយ CTS SPORT