• Marca ឲ្យ​តម្រុយ​វិជ្ជមាន សម្រាប់​ការ​វិល​ត្រលប់​របស់ Ronaldo មក​តតាំង Ajax

    យោង​តាម​សារព័ត៌មាន Marca បាន​ចុះ​ផ្សាយ​ថា​ Cristiano Ronaldo នឹង​អាច​ត្រលប់​មក​ទាន់​ពេលវេលា​សម្រាប់​ការ​ជួយ Juventus តតាំង Ajax នា​ពាក់​កណ្តាល​សប្តាហ៍​ក្រោយ​នេះ បន្ទាប់​ពី​កីឡាករ​ព័រទុយហ្គាល់​បាន​រង​របួស​សាច់ដុំ​ភ្លៅ​ស្តាំ​កាល​ពី​ថ្ងៃ​ទី ២៥ ក្នុង​គ្រា​ជួយ​ក្រុម​ជម្រើស​ជាតិ។

    សល់​ពេល​ ៦ ​ថ្ងៃ​ដែល Ajax ត្រូវ​ណាត់ Juventus ជួប​គ្នា​ជើង​ទី ១ នៅ​ទឹក​ដី Johan Cruyff Arena ក្រុម​សេះ​បង្កង់​ក៏​ទទួល​បាន​សញ្ញា​វិជ្ជមាន​ក្នុង​ភាគរយ​ខ្ពស់​ឡើង សម្រាប់​ការ​វិល​ត្រលប់​របស់ Ronaldo។ របាយការណ៍​បញ្ជាក់​ហើយ​ស្រេច​ថា CR7 បាន​នឹង​កំពុង​ត្រៀម​ខ្លួន​រួច​ជា​ស្រេច​ក្នុង​ការ​មក​ប្រកួតប្រជែង​ស្វែងរក​ពាន​ Champions League លើក​ទី ៦ សម្រាប់​ខ្លួន។

    បញ្ជាក់​ថា Juventus ក៏​មាន​ភារកិច្ច​សំខាន់​មួយ​ផ្សេង​ទៀត​ដែល​ត្រូវ​ប៉ះ AC Milan នា​ចុង​សប្តាហ៍​នេះ ត្បិត​អី​ជា​រឿង​ចាំ​បាច់​ក្នុង​ការ​ប្រជែង​ពិន្ទុ​នៅ Serie A ប៉ុន្តែ​គេ​រំពឹង​នឹង​ពុំ​មាន​វត្តមាន​ Ronaldo ឡើយ ព្រោះ​ដើម្បី​បញ្ចៀស​មិន​ចង់​ឲ្យ​ជួប​បញ្ហា​ណា​មួយ​ជា​យថាហេតុ។ ប្រភព: Marca

    ភ្ជាប់ទំនាក់ទំនងជាមួយ CTS SPORT