ក្រុមបាល់ទាត់ជម្រើសជាតិក្រោមអាយុ១៥ឆ្នាំរបស់ថៃ បានប្រកួតចាញ់ក្រុម U15 របស់ក្រុម FC Barcelona ក្នុងលទ្ធផល ៩-០ នាការប្រកួតមិត្តភាពនៅទឹកដីអេស្ប៉ាញ។
ក្រុម U15 ជម្រើសជាតិថៃ បានទៅបោះជំរំហ្វឹកហាត់រយៈពេល២សប្ដាហ៍នៅឯប្រទេសអេស្ប៉ាញ។ ដោយក្នុងនោះដែរ ពួកគេបានណាត់ក្រុម U15 របស់ Barcelona ប្រកួតមិត្តភាព ហើយលទ្ធផលគឺចាញ់ក្រុមខ្លាំងមួយនេះ ដល់ទៅ ៩-០។ ត្បិតតែចាញ់ច្រើនគ្រាប់យ៉ាងនេះមែន ប៉ុន្តែក្រុមថៃមានមោទនភាពនិងទទួលបានបទពិសោធច្រើនពីការប្រកួតជាមួយក្រុមខ្លាំងក្នុងលោក FC Barcelona មួយនេះ។
ក្រុម U15 ថៃក្នុងរយៈពេល២សប្ដាហ៍នៅប្រទេសអេស្ប៉ាញ ពួកគេបានទៅទស្សនៈកិច្ចនៅកីឡដ្ឋាន Camp Nou របស់ FC Barcelona កីឡដ្ឋាន Santiago Bernabeu របស់ Real Madrid នឹងបានមើលការប្រកួតក្របខណ្ឌ La Liga ២ប្រកួតផងដែរ។ ក្រោយពីមិត្តភាពទល់ក្រុម U15 Barcelona ហើយ ពួកគេនៅមានប្រកួតមិត្តភាពទល់ក្រុម U15 Girona , Atletico Madrid និង Leganes ថែមទៀត៕ប្រភព៖ Foxsportsasia
