លោក Rafa Benitez បានបន្ទោសទៅលើថ្នាក់ដឹកនាំក្រុម Newcastle United ដែលមិនហ៊ានចំណាយប្រាក់ច្រើនក្នុងការទិញយកកីឡាករល្អៗមករួមក្រុមនារដូវកាលនេះ។
Newcastle United បានបរាជ័យក្រោមថ្វីជើងក្រុម Arsenal ២-០ នាការប្រកួតលីគកំពូលអង់គ្លេស។ បរាជ័យនេះដែរ លោក Benitez ដែលជាអ្នកចាត់ការក្រុមនេះ បានចាត់ទុកថាកូនក្រុមធ្វើបានល្អហើយ ត្បិតអីពួកគេខំប្រឹងលេង។ លោកបានបន្ដទៀតថា សម័យកាលនេះ ក្រុមមួយមិនអាចខ្លាំងដល់កំពូលបានឡើយ ប្រសិនបើមិនហ៊ានចំណាយប្រាក់ក្នុងការនាំយកកីឡាករល្អៗមករួមក្រុមបាននោះ។
អតីតអ្នកចាត់ការក្រុម Liverpool ខាងលើ និយាយដូច្នេះគឺលោកចង់សំដៅទៅលើថ្នាក់ដឹកនាំរបស់ក្រុមនេះតែម្ដង ដែលមិនបានចំណាយប្រាក់ឱ្យលោកទិញកីឡាករល្អ ដើម្បីលេងប្រជែងជាមួយក្រុមដទៃទៀត។ ការមិនចំណាយនេះ គឺមានន័យថាក្រុមគ្រាន់តែមានគោលដៅបន្ដលេងឱ្យបាននៅ Premier League ប៉ុណ្ណោះ មិនមែនចង់បានពានរង្វាន់អ្វីឡើយ៕ប្រភព៖ Dailymail
