Karim Benzema ក៏បានចូលរួមចំណែករកគ្រាប់បាល់ជ័យជម្នះជួយឲ្យក្លឹប Real Madrid យកឈ្នះលើក្លឹបបាតតារាង Huesca នៅលទ្ធផល ៣-២។ មួយគ្រាប់ចុងម៉ោងរបស់កីឡាករបារាំងបានរុញឲ្យខ្លួនឈរលើកំណត់ត្រាដ៏អស្ចារ្យមួយដែលសូម្បីតែតារាឆ្នើម Lionel Messi ឬ Cristiano Ronaldo ក៏មិនទាន់បំបែកបាន។
នោះគឺការដែលអាចស៊ុតបញ្ចូលទីទៅគ្រប់បណ្តាក្រុមដែលខ្លួនធ្លាប់តតាំងទាំង ៣៤ របស់អេស្ប៉ាញ រាប់ចាប់តាំងពីការផ្លាស់មកចូលរួមនៅ Madrid នាឆ្នាំ ២០០៩។ Huesca គឺជាក្រុមចុងក្រោយ ដែល Benzema បំបែកបាននៅនាទី ៨៩ កាលពីយប់មិញនេះ។
ធៀបនឹង Lionel Messi គឺអាចបំបែកបានត្រឹម ៣៧ក្រុមនៃ ៤០ ក្រុមសរុប ដោយមិនទាន់អាចសម្រេចទីលើក្រុម Cadiz, Murcia និង Huesca ខណៈ Ronaldo ខ្វះមួយគឺ Leganes ដើម្បីបង្គ្រប់ក្រុមទាំង ៣៣ ដែលធ្លាប់បានជួប។ ប្រភព: FoxSportAsia