បន្ទាប់ពីប្រកួតបាន១សប្តាហ៍ និងទទួលបានការឯកភាពពីគណៈកម្មការប្រកួតបាល់ទាត់ជាតិកម្ពុជា ក្លិបបាល់ទាត់គីរីវង់សុខសែនជ័យ បានប្រកាសពីការផ្លាស់ប្ដូរទីលានប្រកួតជាបណ្ដោះអាសន្នចំនួន៤លើកក្នុងដីរបស់ខ្លួនទៅធ្វើនៅទីលានមជ្ឈមណ្ឌលគរុកោសល្យភូមិភាគខេត្តតាកែវវិញ។
ការប្រកួតទាំង៤នោះ គឺនៅសប្ដាហ៍ទី៣ ទទួលភ្ញៀវ ព្រះខ័នរាជស្វាយរៀង, សប្ដាហ៍ទី៥ ប៉ះណាហ្គាវើលដ៍, សប្ដាហ៍ទី៧ ជួបសូលទីឡូអង្គរ និងសប្ដាហ៍ទី៨ ទទួលក្រសួងការពារជាតិ។
ការផ្លាស់ប្ដូរជាបណ្ដោះអាសន្ននេះដើម្បីយកទីលានរបស់ក្លិបគីរីវង់សុខសែនជ័យ ត្រៀមរៀបចំព្រះរាជពិធីច្រត់ព្រះនង្គ័ល។
គួរដឹងដែរថា ក្លិបគីរីវង់សុខសែនជ័យ បច្ចុប្បន្នប្រើប្រាស់កីឡដ្ឋានមន្ទីរអប់រំ យុវជន និងកីឡាខេត្តតាកែវដែលផ្ទុកទស្សនិកជនប្រមាណ៥០០នាក់ ជាទឹកដី (Home)៕
