អតីតជើងចាស់របស់ក្លឹប Barcelona លោក Rivaldo បានចេញមុខបង្ហាញការយល់ឃើញជុំវិញចចាមអារ៉ាមថាក្លឹប Real Madrid ចង់ចំណាយជិត ៣០០ លានយក Kylian Mbappe មកទឹកដីអេស្ប៉ាញ គឺជារឿងមិនសមស្របទាំងស្រុង ពោលគឺជាទំហំថវិកាដ៏ធំមួយ ដែលក្លឹបគួរតែពិចារណាលើបេក្ខភាពដទៃទៀតវិញ។
ថ្លែងប្រាប់សារព័ត៌មាន Betfair លោកបាននិយាយថា៖ “តាមគំនិតរបស់ខ្ញុំ ការចាយលុយ ២៨០ លានអឺរ៉ូសម្រាប់កីឡាករម្នាក់គឺវាច្រើនជ្រុល ដោយសូម្បីតែ Messi, Ronaldo ឬ Neymar ក៏មិនថ្លៃដល់ប៉ុណ្ណឹងដែរ”។
សង្កត់ធ្ងន់ក្នុងន័យជំរុញឲ្យ Madrid រើសយកកីឡាកររបស់ Chelsea លោកបន្ថែម៖ “Hazard គឺសក្តិសមបំផុតសម្រាប់ការចុះហត្ថលេខាឲ្យ Real Madrid ដោយមិនត្រឹមតែពាក់ព័ន្ធនឹងទេពកោសល្យក្នុងនាមជាកីឡាករ តែក៏សក្តិសមទាំងនាមជាអ្នកដឹកនាំក្រុម”។ ប្រភព:Marca